戀講嘢丨人妻空姐爆前度癡情反遭圍攻 193大鬧「渣女」 郭奕芯狂寸機心重

ViuTV《戀講嘢》每集邀請嘉賓分享感情經歷，與主持193郭嘉駿、譚凱倫(Helen)、郭奕芯和浩南(鄭伊琪)，輕鬆、深情互動。昨晚(10月31日)請來人妻空姐Hailey分享前度男友無條件的愛，不但分手後繼續守護自己，更做出驚人行為，193和三位女主持聽到為之側目，齊齊圍攻她，令節目火花四濺。

同場加映：麥明詩認愛盛勁為邊個追邊個？ 男友識做「滲入」未來外母社交平台

{{hket:ul-video id="9475"}}{{/hket:ul-video}}

{{hket:inline-image name="33ef790f-4e13-42d5-8dac-162c4a794689.jpg"}}{{/hket:inline-image}}

{{hket:inline-image name="8ac1ee89-914d-4adb-a3ed-fce737ee4ecc.jpg"}}{{/hket:inline-image}}

《戀講嘢》人妻空姐Hailey分享中學時與學長拍拖，對方體貼入微，不但為她煮愛心便當，又為她做兼職，把賺取的數千元全給她，務求令她有更好的生活；惟拍拖7年後Hailey有感對男友失去心跳感覺而提出分手。分手後9個月她與另一同校男生拍拖，但前度一直默默守護自己，在她生病時為她買藥、粥、退熱貼，主持郭奕芯搶說：「下？仲日日WhatsApp，你放過人哋啦，各位女士可以放心，我每次分手後都拒絕同前度有任何聯絡。」浩南皺晒眉：「你病同現任講咪得，做乜要同前度講。」193緩和氣氛：「你哋唔好咁無情啦，Hailey細個又第一次拍拖，唔識處理嘛。」Hailey續說第二任男友原來是恐怖情人，提出分手卻被威嚇一起到梅窩，Hailey不敢反抗最終遇到不愉快事，她第一時間聯絡前度，「前度好緊張問我喺邊？即刻出嚟陪我，無問我咩事，攬咗我一下話有乜事會保護我，叫我唔使驚。」

{{hket:inline-image name="25a413b5-da11-4c22-b8b1-df4dd77c04af.jpg"}}{{/hket:inline-image}}

{{hket:inline-image name="fac6e04e-abe5-44e2-9d08-8162fdbd4f44.jpg"}}{{/hket:inline-image}}

Hailey遇到第三任男友時，亦有告知前度，並再次著他去搵另一半，去追尋幸福，「自從我上次遇到恐怖情人，佢就好緊張，呢次拍拖，佢話車我埋我去約會先安心。」主持們聽到反晒眼，本來顧全大局的193都不屑女方的做法，直斥「收兵方程式」，三位女主持瞪大對眼：「爸爸都做唔出車個女去拍拖啦，你又唔拒絕。」Hailey再說：「佢message話自己喺附近，話如果我有咩事佢就會即刻出現。」聽到大家嘩嘩聲，193代為解圍：「Hailey有情有義，話晒拍咗七年拖，唔通斷聯咩？」Hailey點頭和應，郭奕芯寸爆：「我學識嘢啦，以後如果我萬一同前度有聯絡，被現任知道，我就答只係有情有義啫。」

Hailey其後圓夢考上空姐，前度戥她高興送她一隻名牌手錶及寫上心意卡，前度當時已有另一半，此事令對方女友醋意大發，要求男方封鎖Hailey。Hailey只能寫信多謝前度，同時打聽對方有否看信，郭奕芯即說：「嘩，你寫完咪算仲要知人哋睇完點。」浩南：「你先係恐怖情人囉，又唔想做衰人，一直唔拒絕前度對你好。」193毫不客氣指Hailey是一名「渣女」。主持指Hailey現時有老公有女，為何還想念前度的好？Hailey解釋：「我想用自己經歷提醒大家要識珍惜。」主持即突破盲腸指Hailey因為跟前度失聯，所以借節目來「尋人」，郭奕芯：「我哋節目好多人睇。」最後，Hailey把前度送給她的手錶放低，193即說：「我明點解你老公唔介意你公開過去，因為佢就係想你放低前度份愛的禮物，想你唔好再諗番起前度呀。」《戀講嘢》播出過百集，首次眾主持七嘴八舌狂轟女嘉賓，相當惹火。

戀講嘢丨20歲Hana超激進報復ex嚇親主持 193勸多拍拖：拍20次就變收藏家【下一頁】

戀講嘢丨日本女優浜崎真緒埋身誘惑193 臉紅耳熱硬晒翹腳：驚條褲有異樣【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組

圖片來源：《戀講嘢》截圖