「獎門人」曾志偉未有參與上一集《獎門人Halloween感謝祭》，不過今集《獎門人台慶感謝祭》，他終於現身，昨晚與錢嘉樂、阮兆祥、麥美恩、林秀怡和林正峰齊齊錄影，並邀請由陳茵媺、蔣祖曼、周嘉洛、鄺潔楹、徐文浩、游嘉欣組成的「羅密歐與祝英台」，以及周吉佩、吳業坤、譚嘉儀、連詩雅、谷婭溦、何浩文組成「周吉佩邀請隊」。
同場加映：
麥明詩認愛盛勁為邊個追邊個？ 男友識做「滲入」未來外母社交平台
在「開心無敵啜乒乓」環節中，輪到陳茵媺時，有人笑說：「當佢係陳豪就得㗎喇！」後來由吉吉與陳茵媺搶乒乓波時，錢嘉樂向吉吉笑說：「你識陳豪㗎？」吉吉回他：「佢好錫我㗎！」及後，可能有何浩文從後幫手，吉吉成功吸啜乒乓波，曾志偉笑說：「你點對得住陳豪呀？」
獎門人丨麥美恩孖五猛男玩「人肉大長碌」 慘遭嚴重摧毁假髮移位【下一頁】
至於何浩文對林秀怡，男方一吸就吸到，林秀怡用手掩住嘴說：「我嘅初吻呀，佢用牙咬我個嘴呀！」曾志偉望一望便說：「頭先見你自己咬自己喎！」輪到麥美恩出場，由於她非常進擊，搞到周嘉洛難以應付，不斷將身體向後壓，以防被麥美恩「咀」到。
錄影前，陳茵媺受訪時表示入行以來，第二次亮相遊戲節目，她笑言有點緊張，「前幾個星期玩《思家大戰》，今次《獎門人》，（《獎門人》遊戲埋身啲，所以老公陳豪唔嚟？）佢喺深圳拍緊《企業強人》，佢自己都玩過《獎門人》幾次，我都有問佢攞貼士，佢話冇㗎，例如玩落雨嗰個遊戲，預咗一定濕身，因為就算攞到把傘，把傘都會穿窿，所以攞咗都冇用。（怕唔怕玩「啜乒乓」？）盡情玩每一個game，（怕唔怕咀到對方？）咁又唔會嘅，我希望幫我哋《羅密歐與祝英台》贏。」
周吉佩37歲生日同太太襯到絕 粉絲面前曬恩愛：好似結婚咁【下一頁】
身為《中年好聲音》冠軍的吉吉，早前代表香港，前往韓國KBS電視台參加《ABU TV Song Festival 2023》，他坦言此行有得著，「我上咗呢個節目，我成個人都『韓』咗，啲相影出嚟好韓國人；我同其他地方歌手都有交流，純粹係一個文化交流嘅音樂會。（有冇買手信？）冇時間買，完騷之後第二朝，即刻搭最早嗰班機返香港。」吉吉透露稍後會努力寫歌，又計劃擴充音樂學校業務。
採訪：黃曉妍
攝影：馬駿傑
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】