好外傭｜94歲母患腦退化 外傭自發幫忙鍛煉 成功「回春」女兒感恩姐姐付出

好外傭姐姐不易覓。有女網民近日發文，指近日聘請新外傭照顧94歲高齡、患腦退化的母親，然而外傭自發為母親鍛煉，為母親按摩及與她聊天等等，令母親情況有所好轉，更形容「後生咗10年有多」，直言一切都是姐姐的功勞。

同場加映：
管家王｜90後師傅難忘一揭床單湧百隻蝨 邊滅蝨邊爬上身

{{hket:ul-video id="9445"}}{{/hket:ul-video}}

該名女網民在Facebook群組「表揚好姐姐開心分享區」發文，指94歲高齡、患腦退化的的母親，雖然如廁可以自理，不需使用紙尿片，但洗澡時仍要人幫忙，加上患腦退化經常認錯人，「落床幾分鐘骨痛就要瞓返」，種種原因需要聘請外傭，協助照顧起居飲食，「請佢最主要係有個人睇住佢，有咩事都有人知，同煮新鮮飯菜畀佢，協助佢沖涼，免佢自己搞發生危險，老媽安全最緊要。」

起初由於上手外傭「手腳唔乾淨」，母親對再聘請外傭感抗拒，不過新外傭姐姐表現令她們一家喜出望外，形容外傭經常自發為母親鍛煉，令母親腦退化情況大為好轉，不僅可以自行洗澡，亦可在家走動等，反應變快甚至會與家人鬥嘴，形容為「後生咗10年有多」：

「可能我媽成日瞓，佢悶到嘔所以佢自發日日要我媽做簡單運動、按摩同要填顏色薄，不停同媽傾偈。而家佢做咗年半，我媽可以自己沖涼、喺屋企行嚟行去、掃地、自己做運動，畫圖畫簿唔出界，認得晒屋企人。」

事主感恩聘請到好姐姐，認為「老媽回春」一切都是外傭的功勞，希望藉此機會表揚她，「我好感激佢同想表揚佢，我亦都好感謝中介公司，送我好姐姐照顧老媽。」

網民：姐姐好有心

帖文引起熱議，不少網民都大讚外傭，認為事主遇上好姐姐相當幸運，「呢個姐姐好有心，真心去照顧你媽媽。幫到手你都放心好多。遇到好姐姐真係好幸福」、「呢個姐姐絕對好過好多所謂屋企人」；亦有人好奇外傭是否有醫護背景，對此事主就回覆表示外傭並無相關背景，但會上網自學，「無㗎⋯⋯佢自己上網學，問我好唔好，我就話你試吓啦⋯⋯」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

 ↓U Lifestyle App睇盡《晴報》新聞資訊及自家節目↓
↓↓同步更新、更快更順↓↓
【免費下載】