麥明詩認愛盛勁為邊個追邊個？ 男友識做「滲入」未來外母社交平台

麥明詩今日出席智能手錶品牌活動，同現場人士同嘉賓大玩瑜伽，講到現時自己靠運動減壓，更認愛傳咗近一年嘅副機師緋聞男友盛勁為。

活動上麥明詩提到自己靠運動減壓，不過瑜伽方面就經驗尚淺：「之前都有唔同嘅體驗，覺得好需要呢種運動（瑜伽）放鬆，因為我工作都好忙碌，無論喺事業上有唔少嘅壓力啦，亦都要兼顧娛樂圈嘅客串工作，所以我個人同一時間要兼顧好多嘢，壓力自然比較大，透過運動、冥想，個人可以relax啲。（成日谷住道氣？）氣就ok，同身邊人同家人相處都開心。都多嘢諗，個腦keep住轉。」

同場加映： 

麥明詩認愛盛勁為邊個追邊個？ 男友識做「滲入」未來外母社交平台

{{hket:ul-video id="9475"}}{{/hket:ul-video}}

被問到同緋聞男友盛勁為相處得開唔開心，麥明詩都大方回應：「同緋聞男友都開心嘅，都鍾意一齊做運動，係運動buddy，我哋去北海道滑雪又去沖繩潛水，同朋友一齊運動多好多樂趣，又可以交流運動心得。」問到麥明詩係咪覺得戀情可以浮面，佢就表示純粹係之前冇機會去特別公開：「都冇咩特別理會公唔公開，因為呢段時間都冇咩特別公開場合，我覺得無論私生活同咩朋友一齊，大家見到就見到，見唔到就亦都可以見唔到，自己最緊要開心，過到自己想要嘅生活。只要身邊人開心、自己開心就好。」

{{hket:inline-image name="9.jpeg"}}{{/hket:inline-image}}

講到同男友拍咗幾耐拖，佢就話都好難定義大家係邊日開始：「好模糊，我都唔知點去界定，因為我個人同異性相處都比較自然，去到開心……慢慢大家就有一個共識，就Go with the flow……個flow都有一段時間。」而盛勁為已經「融入家中」，同未來外母都有喺社交平台交流，麥明詩表示：「佢哋（媽媽同男友）係IG friend，有like下大家啲相。」

麥明詩都表示自己呢幾年各方面嘅生活都過得幾開心：「呢幾年退出spot light，搵到自己pacing，感情生活唔使時刻出嚟交代，多咗時間發展自己想要關係，Work life balance各方面都多咗自主權。」

提到前男友林作涉JPEX騙案就唔想多講，麥明詩就提到自己都係騙案受害者：「有啲人拎我個樣去開page，有人會以為係我真心而有損失，希望藉呢個機會提醒大家唔好咁易相信網上訊息。」佢表示現時會主要focus圈外工作，亦唔抗拒幕前表演：「之前做咁多年幕前有啲朋友，有適合機會，做嘢時間就到都會支持朋友，同埋間唔中做一次半次就變咗更享受拍攝工作。」

圖片來源：《晴報》圖片、Instagram

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】