呂良偉仔仔暴風式成長生鬍勁敦厚 老成持重有中國式大老闆風範

呂良偉同太太楊小娟結婚多年一直相當恩愛，不時拍拖出席活動外又大曬同囝囝嘅家庭樂生活。二人嘅囝囝呂善揚由細到大都好搶fo，可愛肥仔形象令人好深刻，不過唔經唔覺善揚已經21歲仔，日前媽媽post出同佢嘅合照，已經搣甩晒BB味，相當老成持重！

同場加映：羅密歐與祝英台丨鄺潔楹善忘悲傷喊戲搵人求教 望突破限制做「細細粒」女主角

{{hket:ul-video id="9463"}}{{/hket:ul-video}}

{{hket:inline-image name="3046514176534c6b5037_600.jpg"}}{{/hket:inline-image}}

善揚細細個已經成日同爸爸媽媽一齊出席活動，圓碌碌身形已經成為佢Icon。日前楊小娟甫出同囝囝合照，不過善揚已經冇晒可愛嘅感覺，變得相當老成敦厚，甚有中國大老闆風範，睇落比起爸爸更成熟，一睇就知佢信得過！善揚睇嚟比起之前更加重噸位，相信已經放棄減肥，實行行熊啤啤路線，攬住佢一定好有安全感！

身高約172cm嘅善揚之前嘅體重已經約90kg，媽媽楊小娟曾經都好鼓勵阿仔減肥，仲成日同佢一齊做運動添︰「回到家，在來回走樓梯，減肥一點都不簡單，回頭看看兒子和他爸，唉呀！兒子還需繼續努力加油。」善揚細細個已經好好肉地，非常可愛，早排都見佢都非常積極減肥，楊小娟連落雨都陪佢做運動：「下雨天兩個寶貝陪我在家跑樓梯，12層來回10次，出身汗太爽了。」楊小娟之前仲Post過囝囝一條練拳嘅短片，仲話「肥仔都是潛力股」， 不停鼓勵囝囝，認真係廿四孝媽媽！

圖片來源：Instagram