羅密歐與祝英台｜陳豪拍咀戲鬚根拮親黃碧蓮 陳茵媺「開綠燈」冇監場：Go Ahead

TVB台慶劇《羅密歐與祝英台》昨晚（26日）一集提到，英喬（陳茵媺飾）與萬事通/梁山伯（陳豪飾）調查文才死亡真相期間，與兇手在停車場火併。雙陳不但夫妻檔上演「行走中的神槍手」，邊跑邊向目標開槍；更不約而同飛躍上車大顯驚人跳躍力，被網民笑指：「畀佢兩公婆玩晒！」

同場加映：FINALLY搞舞台劇為阿冰甘願做配角 諗計博觀眾一笑：盡量唱得差啲

{{hket:ul-video id="9408"}}{{/hket:ul-video}}

有網民認為雙陳劇中愛情線越看越吸引，並指最大功臣是飾演社工謝姑娘的黃碧蓮。昨晚謝姑娘向萬事通送上心心情侶水杯、激到英喬打翻醋罈一幕爆笑非常。對萬事通一早心心眼的謝姑娘，為了表達愛意，先後六連環出招擄獲男神，包括送情侶水杯、送外賣、強調單身、悉心打扮、無限冧樣及主動獻吻，其中獻吻一幕不但嚇到萬事通「紅都面晒」，網民亦睇到嘩嘩聲，搞笑指碧蓮是「進擊的謝姑娘」。

{{hket:inline-image name="89.jpg"}}{{/hket:inline-image}}

{{hket:inline-image name="7868.jpg"}}{{/hket:inline-image}}

談到與陳豪Kiss場口，碧蓮笑指有事先向Aimee「自首」：「我係第一次同前輩拍Kiss戲，咁我同Aimee都係加拿大女仔，所以拍呢場戲之前我都有同佢講笑話：『唔好意思，我要錫你老公』，佢都喺度笑，仲話：『It’s Ok，Go Ahead』，我聽完就冇咁緊張。」

{{hket:inline-image name="97098.jpg"}}{{/hket:inline-image}}

碧蓮又指拍攝當日Aimee亦有在場，但二人未有碰面，並謂拍攝時台前幕後都表現專業：「大家正式開始前會傾吓咩角度拍同點打燈，所以我都好快投入到。咀阿Mo嗰吓我哋都要做好多練習，因為劇情係話我見到佢嘴角有醬汁，原本我想幫佢抹，但我哄埋去時佢誤會咗所以瞇埋眼，咁我先會想Kiss佢。」碧蓮又分享搞笑花絮：「因為導演話佢唔嗌Cut我唔好停，咁我就有個Take哄到好近好近，但導演未嗌Cut，我就掂住咗阿Mo嘅鬚根，好拮拮，我個心就係咁諗點解仲未嗌Cut嘅。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供