秦沛分享靈異經歷繪形繪聲 囡囡姜麗文爆背後原因感動網友

縱橫演藝圈70多年的秦沛，閱歷豐富，絕對是「食鹽多過你食米」。女兒姜麗文邀請爸爸秦沛於其網上頻道，分享在片場遇見的靈異經歷，秦沛氣定神閒話：「嘩！鬼故！我好多㗎喎」，隨即一人分飾多角，繪形繪聲講出其中一個靈異故事。

同場加映：羅密歐與祝英台丨鄺潔楹善忘悲傷喊戲搵人求教 望突破限制做「細細粒」女主角

{{hket:ul-video id="9463"}}{{/hket:ul-video}}

{{hket:inline-image name="4846b5b3-0554-40eb-8dba-c06ce8181fe6.jpg"}}{{/hket:inline-image}}

{{hket:inline-image name="f934f1a9-a3c6-4cb7-bca5-a8d157498ca9.jpg"}}{{/hket:inline-image}}

{{hket:inline-image name="737a60be-444f-4eba-a23a-c32f1b156ac3.jpg"}}{{/hket:inline-image}}

{{hket:inline-image name="998cbf0f-2d63-43db-b805-4447b1060e5a.jpg"}}{{/hket:inline-image}}

又到哈囉喂的日子，姜麗文隔空問秦沛在片場發生的靈異故事，秦沛坦言大把貨，「有好驚，有好笑，乜都有好多喎。」姜麗文請他講一個好笑的。秦沛隨即一秒入戲，他指拍戲時，有一位錄音師自稱不怕鬼，大家便計劃整蠱他，以測試他的膽量。「個個出去食飯，呢位錄音師就匿喺錄影廠瞓覺，跟住我哋就喺門口...」秦沛即以低沉聲扮鬼叫聲，「我哋成班喺外面叫...去嚇佢...成功叫醒咗佢，我哋繼續叫...」剛好有隻蛾飛過，錄音師即時彈起身，秦沛一人分飾多角，即時演起該錄音師指住飛蛾話：「你快啲現身，有乜冤情同我講，我幫你。」最後發現原來被整蠱，錄音師理直氣壯話：「我唔驚，因為無做壞事，如果真係被鬼嚇死，我死咗咪同佢一樣，咪追番隻鬼囉，所以點都唔會驚。」姜麗文聽後由驚變咔咔大笑，秦沛表示下次分享一些驚心動魄的經歷。

姜麗文說：「Thankyou Ba，希望第日我都可以同你傾多啲偈，同時鼓勵大家同父母傾多啲偈，問多啲搞笑問題。」她續說：「最近覺得想知道多啲爸爸嘅嘢，所以就開始咗呢個節目！大家唔好忘記，一定要同父母傾多啲偈呀！唔知你哋爸爸媽媽有冇鬼故呢？」不少網民留言大讚姜麗文孝順，「對上一次同父母講嘢係幾時？多謝你提醒我」、「我雙親已經不在，想同佢哋傾偈已經太遲」、「都市人成日因為忙而忘記去做更重要的事」、「我媽媽send語音訊息嚟，當時太忙無聽到，點知成為媽媽最後一個訊息」。

姜麗文分享抑鬱症經歷被批製造話題 不甘網絡欺凌反駁對方極得體【下一頁】

2016年生母梁盛子亡丨主播竟問母親節點同媽咪度過 姜麗文零尷尬照回應 網友讚大器【下一頁】

{{hket:inline-image name="125050.jpg"}}{{/hket:inline-image}}

姜麗文年幼時，父母一早離異，與哥哥姜文杰是由父親秦沛帶大，當年秦沛為了爭取兒女撫養權，不惜傾家蕩產給前妻，然後父兼母職。為了一對兄妹能快樂成長，後來秦媽媽帶一對孫移民加拿大，秦沛留港拍戲賺錢，只要有空檔就兩邊飛，一年至少飛6、7次，就算只得一個星期都會過加拿大，每日用fax機寫心意卡、寫故事給遠方的子女，父女感情深厚。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
 

撰文：娛樂組

圖片來源：YouTube截圖、姜麗文IG