由MIRROR成員陳卓賢（Ian）、楊樂文（Lokman）、江𤒹生（AK）、COLLAR隊長沈貞巧（Gao）、柯煒林（Will）、朱栢謙、廖子妤、林愷鈴、黃奕晨、朱鑑然、袁富華等人主演的ViuTV新劇《冰上火花》將於今晚（30日）播出。劇集由一班冰球曲棍球運動員帶出故事，當人面對生命中各種的阻攔時，以甚麼態度去面對痛苦？早前，Ian、Lokman和AK接受訪問，們大談人生之中曾經遇到的困難。
同場加映：
羅密歐與祝英台丨鄺潔楹善忘悲傷喊戲搵人求教 望突破限制做「細細粒」女主角
Ian、Lokman和AK同樣參加《全民造星》而入行，成為藝人後，星途之路都不算是平坦如意，曾經受過不少負面抨擊，而他們與成員、舞蹈員在紅館舉行演唱會，發生大型屏幕墜下事故，最後演唱會要停止演出。
在人生之中，他們分別遇過不少困難，在沒有隊友扶持時，獨自面對難關，各有態度。Lokman和AK表示，其實在入行前都遇過不少困惑，Lokman在入行前做舞蹈員，內心有段時間十分爭扎，表示：「我跳開嗰種舞Locking唔係大路嘢，但鍾意嘅嘢變咗工作，變得唔係咁純粹。」
AK在參賽前，因年齡問題出現內心矛盾，想參加比賽找機會，但又怕成功的機會很渺茫。他覺得做決定要對自己和家人負責任，這段時間壓力都很大。
Ian是在入行後出現無力感，「細個做運動員覺得實現目標，只要自己努力，經過訓練，可以一步步達成，入行後好多嘢唔係自己控制，壓力反而大咗，令自己以往信念崩塌，要接受轉變時需要頗大的勇氣。」
此劇以冰上曲棍球為主題，為了在鏡頭前呈現最有型的一面，拍攝前三人接受溜冰技巧訓練，Ian認真得找私人教練進行特訓。2004年，日本藝人木村拓哉拍攝的經典劇《冰之驕子Pride》，亦是以冰上曲棍球為主題。AK笑言未拍劇前，覺得自己跟對方有點相似，Lokman還踢爆AK模仿對方，說：「佢特登搵人哋啲相，擺甫士！叫我哋幫佢影低，用嚟開心滿足自己。」至於覺得隊友有沒有木村拓哉的影子？Ian笑謂：「都有木村影子嘅，因為佢（膚色）比較黑，其他就不予置評。」
穿上全套冰球運動員裝束拍攝，他們笑言感覺更強，尤其是一雙冰鞋令大家自信增高。不過，拍攝這劇時都幾辛苦，Ian透露每日拍攝要待商場關門後進行，半夜開工但翌日又有其他工作，曾經試過曾連續3、40小時沒休息睡覺。加上年紀輕輕都有份好勝心，比賽、動作場面，他們都堅持親身上陣。AK表示除非有一些難度較高，直達花式表演級的動作，只好靠替身代勞。
長時間在溜冰場拍攝，相繼令演員們患病，Ian爆隊長Lokman在眾演員面前出醜，Ian笑謂：「有場我同Lokman對戲，嗰幕係講類似兩隊球隊對峙，佢要向大家宣布一啲事情，所以差哪那一個位走音，自己則已盡量控制，但避免不到仍然娛樂大家。
AK跟柯煒林（Will）有場戶外戲就要捱凍拍攝，AK自感內疚，「嗰段戲喺年頭拍，仲係好凍天濛光拍，講我哋做完運動著住背心傾偈，但嗰段時間天氣好凍，我哋體感只得2、3度，我同Will講好咗Roll機先除褸，但我講對白時候不斷流鼻涕，我內心不斷向佢講Sorry，搞到要Retake。」
以往，鏡粉睇劇集都會認真數偶像出場的鏡頭數量，甚至肉緊得要比較，Lokman笑謂：「好呀…數啦，數死佢哋呀！好多場口都好多人，我祝大家好運。」不過，AK勸喻大家睇劇輕鬆一點，專注欣賞他們拍劇時的努力的成果。
撰文：王連連
攝影：何家賢
造型設計：PIPA Creative
（Ian）
髮型：Him Ng @The Attic
化妝：Rainbow Chung @Annie G. Chan Makeup Centre
服裝：Jimmy Choo
（AK）
髮型：Lorraine Lam@Hair Culture
化妝：Giann Cheung @Annie G. Chan Makeup Centre
服裝：Mr Porter, Both Paris
（Lokman）
髮型：Seiko Sin@Hair Culture
化妝：Giann Cheung @Annie G. Chan Makeup Centre
服裝：Zegna, Christian Louboutin
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】