梁朝偉王菲《重慶森林》30年ReU 紅粉緋緋「天然組合」靚樣永不過期

梁朝偉喺圈中一向「出名」低調，如果唔係喺街上畀人野生捕獲，就要靠太太劉嘉玲幫佢打卡大家先可以緊貼佢近況。今日劉嘉玲就同偉仔聯合出咗一個post，竟然係同同樣低調嘅王菲聚會合照！唔少網民都覺得非常驚喜，感謝嘉玲「派軍糧」。

同場加映：

FINALLY搞舞台劇為阿冰甘願做配角 諗計博觀眾一笑：盡量唱得差啲

{{hket:ul-video id="9408"}}{{/hket:ul-video}}

嘉玲post偉仔同王菲嘅合照，相中偉仔笑得相當靦腆，王菲就少少側頭向偉仔，二人貼得非常近。王菲笑得非常燦爛，仲紅粉緋緋，靚到不得了！嘉玲留言「好久不見」，即刻引來唔少粉絲留言，因為好久不見嘅點止佢哋三個？就連大家都好少睇到王菲近況。好多fans即時諗到二人合作拍攝嘅王家衛電影《重慶森林》同《天下無雙》，唔經唔覺已經相隔咗分別30年同20年，大家都大讚阿菲同30年前分別不大，狀態超級好，而佢同偉仔都非常自然，優雅地老去！

{{hket:inline-image name="1.jpeg"}}{{/hket:inline-image}}

王家衛一向都喜歡用氣質型演員，梁朝偉同王菲呢對氣質CP喺大家心目中留下深刻印象，尤其係《重慶森林》嘅警察663同小食店店員阿菲。戲中失戀嘅梁朝偉失戀一個流連喺人來人往嘅小食店，徘徊於龍蛇雜處的重慶大廈裡，同店員阿菲發展出愛情故事，而梁朝偉同阿菲似有還無交流嘅一幕，都成為咗經典名場面。

有云王菲係「被唱歌耽誤嘅演員」，王家衛執導《重慶森林》首次與王菲合作，被佢清新又古靈精怪氣質所吸引，大讚係佢拍過嘅女演員中最特別一個，稱許：「王菲不太需要用力去演戲，她很有天賦。你叫她去做甚麼，她就有辦法讓這個角色成為自己的一部分，她很輕鬆地做到了。」王家衛當時又表示王菲甚至影響到梁朝偉，「梁朝偉演戲是有很多把刀的，他演得很好，很有方法，但對上王菲，那些方法是派不上用場的。因為發現對方是無跡可尋的，他只好放棄那些刀，看看對方是怎麼做的。我覺得《重慶森林》之後的梁朝偉，演戲跟之前是完全不同的。」

圖片來源：電影截圖