中年好聲音2丨劉威煌認心情掛帥鍾意唱乜就唱 斥網民負評：咁叻你咪上去唱囉

《中年好聲音2》經過兩輪比賽後，30強人馬正式誕生，不少網友都對PK賽賽制有所保留，更指有不少實力唱將在賽制之下慘被犧牲。大熱人選之一的劉威煌首輪獲得5燈，第二輪PK賽打敗對手駱星成功晉級，他昨晚（24日）在YouTube開直播跟大家傾偈唱歌互動，言談間都表達出自己的爽直率真。

同場加映：FINALLY搞舞台劇為阿冰甘願做配角 諗計博觀眾一笑：盡量唱得差啲

{{hket:ul-video id="9408"}}{{/hket:ul-video}}

中年好聲音2︳劉威煌60強PK賽打頭陣有暗湧 王嘉明帶巨星送贈毛公仔助威【下一頁】

{{hket:inline-image name="9ad57697-2396-461a-9b20-7078650b9f2f.jpg"}}{{/hket:inline-image}}

劉威煌昨晚突發開直播，他表示日本旅行完返港，即興開直播跟大家唱歌聊天，除了分享他的沖繩旅遊點滴外，又被不少網友追問《中年好聲音》的比賽內容，劉威煌起初說：「主要想同大家傾吓偈唱吓歌，唔使講咁多，節目嘅就留番電視話畀你哋聽，因為節目全部都係錄影，好難講個進度畀大家聽，而家播出係好耐之前錄，再傾就有種牛頭唔搭馬嘴嘅感覺......我又唔可以劇透，又唔想好似超越時空咁，好尷尬，所以簡單啲唔講就最好！」

雖然劉威煌希望以歌會友，不過仍然有不少網友就《中年好聲音》節目、賽制及表現等等留言，劉威煌指作為參賽者，跟觀眾睇節目的想法角度不太一樣。他說：「我唔係好介意邊個贏、邊個輸，其實我哋（參賽者）唔太care，始終一個人嘅好與壞，唔係一首歌代表一切，萬一有時狀態唔好唱得麻麻，係咪就代表我係垃圾呢？唔係吖嘛！其實你哋真係好識代入同緊張，揀歌重要，但我鍾意唱乜就唱乜，心情掛帥，揀歌係重要，但如果同自己冇意思、冇關係，再重要都唔重要啦！」曾經歷過歌唱比賽，劉威煌似乎對今次比賽成績看得很淡，「多謝你哋緊張我，但我唔係小朋友，我想唱嘅能夠喺電視唱出嚟就可以，唔係咁睇重成敗得失，可能有時唱得好差，但唔代表我係垃圾，就算唱得好好唔代表我係冠軍。」

茶飲店疫市好生意 劉威煌每月淨袋4萬【下一頁】

部分網友戥實力唱將李浩森大感不值，劉威煌說：「冇話值唔值得，好多人話點解某某某入唔到100強，好講天時地利人和，剛剛遇著剛剛，你可以戥佢唔抵，可能有一日我被淘汰，你哋又會戥我唔抵，其實有咩抵唔抵，玩得比賽就預有勝負，覺得唔抵，咁你係咪幫李浩森去電視台抗議吖？唔會嘛，支持李浩森有好多方法，我覺得李浩森仲勁過我添，呢啲咪賽制囉！我唔係放負，我有自由去發表感受！」而劉威煌指鍾維亦非常辛苦，由於表演要打扮成古裝，當日比賽早於清晨5點半就起身，而她亦等到較後時間才上台演出，「我哋係人，練習時梗係天下無敵，好多人話參賽者唱得差，其實真係好多原因，狀態、音響設備、咪高峰、耳機、時間上配合、製作上配合等等；加上我哋中間時間唔係Hea，仲要對住鏡頭打醒十二分精神，大家睇嘢睇得太過簡單，我哋係當局者，你哋講就叻，咁叻你咪上去唱囉！」

{{hket:inline-image name="leehosam.jpg"}}{{/hket:inline-image}}

{{hket:inline-image name="sng.jpg"}}{{/hket:inline-image}}

{{hket:inline-image name="KAM11_600.jpg"}}{{/hket:inline-image}}

不少參賽者無論贏出與否，都會組織歌迷會，與眾同樂，但劉威煌就對此耍手擰頭表現抗拒，「唔會，唔會有歌迷會呀！呢一刻唔會，之前同未來都唔會，其實大家輕輕鬆鬆幾好，唔好拿得咁死，大家支持我已經好好。呢啲我過程經歷不少，有好多認識咗好耐嘅朋友，係一種緣分，但有緣分都會有緣盡呀嘛，特別係有啲人成日同我講，見到某某去支持另一個，其實我OK無問題喎，唔通我鎖住你只可以聽劉威煌咩？」

{{hket:inline-image name="278679944_176959978003758_8061491632330039422_n.jpg"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組