羅密歐與祝英台丨李爾晨演年輕版陳豪大曬Body 古佩玲反串男裝同《愛回家》演員撞樣

劇集《羅密歐與祝英台》昨晚一集終於交代梁山伯（陳豪飾）及祝英台（陳茵媺飾）上半生的關係，原來梁山伯曾經英雄救美拯救祝英台，然後兩人一見鍾情墮入愛河。但祝英台在一次家族仇殺中，面對孖生哥哥祝英喬被殺死，於是改變身分扮哥哥英喬繼續生活，英台大感傷心為何梁山伯會消失，而且毫無眷戀兩人的感情。

同場加映：FINALLY搞舞台劇為阿冰甘願做配角 諗計博觀眾一笑：盡量唱得差啲

{{hket:ul-video id="9408"}}{{/hket:ul-video}}

羅密歐與祝英台︳陳豪打破悲情傳統演揸槍梁山伯 盤點圈中四大型男不同演繹【下一頁】

{{hket:inline-image name="YUS_3151.JPG"}}{{/hket:inline-image}}

{{hket:inline-image name="12.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

飾演陳豪和陳茵媺年輕版的分別是李爾晨和古佩玲，昨晚幾乎絕大部分都是兩人的戲份，不少觀眾都大讚有新鮮感，而且成功帶出「梁祝」之間的甜蜜感覺。現年31歲的李爾晨本身是排球運動員，接拍ViuTV劇集入行，後來轉戰邵氏拍攝過不少劇集同綜藝節目，他接受《晴報》電話訪問，他表示：「開拍前我都有問監製使唔使扮陳豪小動作或者表情，但佢哋叫我做自己就可以，所以輕鬆少少。（接吻戲有冇尷尬？）冇喎，其實我熒幕初吻喺之前《CP訓練營》已經發生咗，希望我唔係太狼死嚇親古佩玲啦！」談到出浴場口，他坦言只記得很冷：「拍沖涼嘅時候已經（清晨） 五、六點，個廠啲冷氣好凍，仲要沖凍水。嗰場戲凍到口都震埋，講對白都NG咗好多次。」他認為談情場口最難：「我圍讀時好唔得，啲對白對於我有啲尷尬，因為我唔係好慣講啲咁深情嘅嘢，好彩古佩玲好就得人，畀好多鼓勵我。」他指由於不懂得吹口琴，故拍攝時笑料連場：「出嚟啲聲好古怪，但我個樣又要好深情喎，搞到Kelly係咁焗蟹。」

古佩玲笑言「熒幕初吻」對象是《愛回家之開心速遞》的風少陳浚霆，問到陳浚霆定李爾晨「好咀啲」？她表示：「呢兩個角色都好唔一樣，造型都唔同，其實兩位對手都好好，大家都好好傾，拍之前會聽對方諗法。」對於英喬與英台同時遭殺手入屋狙擊一幕，Kelly笑言有難度：「因為係同時拍，我又要好型、型完又要即刻喊，個情緒係比較難捉。」談到英台不少場口畫面均很唯美，Kelly感恩幕後同事付出不少心思：「好似我攞住件衫喺屋企跳舞嗰場，真係度咗幾次角度同埋係咁練轉圈，就係想件事再靚啲。」又謂沒想到連拍靜態的寫日記場口也滿是壓力：「本日記我真係一個字一個字咁抄落去，唔可以寫錯之餘，又驚啲字跡唔靚。」

{{hket:inline-image name="lo10.jpg"}}{{/hket:inline-image}}

{{hket:inline-image name="lo13.jpg"}}{{/hket:inline-image}}

{{hket:inline-image name="lo12.jpg"}}{{/hket:inline-image}}

{{hket:inline-image name="371931013_9892479500825528_2280826020163574396_n.jpg"}}{{/hket:inline-image}}

排球男神丨李爾晨靠開健身室搵錢畀家用屋企 聲線沉厚失角色沒灰心：再努力【下一頁】

古佩玲IG都有分享拍攝花絮照，特別是她反串女扮男裝演英喬的造型，紮起頭髮一臉冷酷，非常有型，首次一人分飾兩角的Kelly，無論男裝或女兒身均大獲網民正評：「古佩玲扮男裝仲靚」、「帥氣」、「好似千金小姐」、「演技喺新生代花旦中算好」等等。古佩玲說：「第一次男裝，第一次動作戲，好感恩！好多謝大家🫡多謝武術指導哥哥無止境係隔籬教我，幫我拍片，鼓勵我努力上『武術BB學堂』。」其中，有幾張她的自拍照感覺跟《愛回家之開心速遞》的「頭皮」吳卓衡「撞樣」，認真有趣！

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組