蘇施黃感慨食店執笠嘆港人搵食難 斥官員離地：諗埋啲唔work嘅屎橋

第一代「Foodie」蘇施黃，不時都喺香港捐竉捐罅搵好嘢食，日前佢就同朋友去到一間就快結業嘅炸魚薯條店開餐，感慨近年好多好食嘅舖頭結業，又大鬧香港官員離地，引嚟唔少網民迴響。

同場加映：

我們的青春日誌丨蘇韻姿「被離家」迷惘中轉化心情 自責累媽媽擔心：佢想令我振作

{{hket:ul-video id="9406"}}{{/hket:ul-video}}

蘇施黃近年多數都喺屋企「自煮」，日前佢分享咗多張去到西貢搵食嘅相，慨嘆近年唔少好食店都做唔住，留言：「朋友話要入嚟西貢食fish n chips……食咗一人一舊fish n chips，炸雞翼、洋蔥圈、新鮮檸檬做的lemonade，甜品一人半個菠蘿包，好飽……而加要返屋企瞓吓。明年三月Chip in fish n chips結業了，真可惜！近年眼見一間一間好的店結業，真係有點心傷。」

{{hket:inline-image name="391703644_871478801011359_7086573815540871571_n.jpg"}}{{/hket:inline-image}}

之後佢更怒斥官員唔急市民所急，政策離地：「冇辦法，一班堅離地的人管轄住，諗埋啲唔work嘅屎橋，仲要淨係識發告票畀市民，香港人要搵兩餐都難，要發達第二世啦。高貴嘅官員，醒吓啦！與時並進、幫助市民的需要，不要閉門造車。」

唔少網民都留言表示甚有共鳴：「真係講出我們小市民的心聲」、「我們普通市民只可以自求多福」、「除咗係堅離地人管轄，最重要係班食人唔𦧲骨嘅業主唔肯減租，開刀啲良心小店無法繼續營業，因為如果堅持食物有咁上下水準嘅話，就會冇錢交租」。

圖片來源：Facebook