音樂人伍仲衡擔任《中年好聲音2》評審,經常與肥媽鬥嘴,令節目生色不少,曝光率亦大大提高。伍仲衡日前被邀出席《CASH金帆音樂獎》記者會,負責上台宣布入圍名單,卻頻頻讀錯歌手名,被網民狂轟「0尊」。
同場加映:中年好聲音丨車婉婉亡母情緒鬱結致失聲陷低潮 順逆好壞拼湊成冠冕:無悔無怨
《第21屆CASH金帆音樂獎》將於下月6日舉行,前日(18日)舉行記者會,邀請了伍仲衡宣讀最後五強名單,卻不停出現狀況,口窒窒又瘋狂讀錯名稱。伍仲衡先把Dear Jane《到底發生過什麼事》監製名講錯,將Howie@Dear Jane讀成「Howard」。接住他把KOLOR歌曲《52赫茲》讀成「S two嚇茲」,更連環讀錯三次,經司儀更正後,仍連環讀錯,更說:「吓?以為係S,Sorry」、「呢個真係好難讀呀」,台下的KOLOR提醒:「五十二呀!」其後,讀到方皓文歌曲《Vanish Mode》時,把編曲的本地唱作人JNYBeatz名字讀了「JW」。除此之外,又把李幸倪(Gin Lee)讀成「李幸兒」,岑寧兒讀成「沈寧兒」,Zarahn讀成「Zara」:「呢個真係唔識讀。」不過伍仲衡以「只要你唔尷尬,尷尬嘅就係人哋」姿態,把名單一一讀完。
中年好聲音2丨顏仟汶被父母離棄捱麵包瞓床底 破碎家庭致情緒病:冇嬲父母【下一頁】
網民對伍仲衡瘋狂讀錯名一事,在《CASH金帆音樂獎》FB官網熱烈討論,留言狂轟他欠尊重,更直斥他枉為音樂人,「下次搵個識字嘅嘉賓宣佈入圍名單,唔好影衰晒樂壇」、「話晒係業界專業獎,身為行內人畀啲尊重呀」、「唔好掛住做《中年好聲音2》評審,要留意吓樂壇」、「脫晒節」、「佢係咪停留喺90年代呀」、「仲話自己作詞,倪匡個倪字都唔識」。
周吉佩新歌MV唔搵老婆做女主角? Louise親自「選妃」對床戲大方開綠燈【下一頁】
不過亦有不少網民為伍仲衡護航,「佢做嘉賓啫,又唔係司儀,佢都係嗰一刻先收到份名單,有甩漏都唔奇」、「啲名又係奇怪啲,唔怪得晒伍Sir」、「無戴老花眼睛啫」、「可能私底下叫Gin Lee做李幸兒呢」等等。而無故叨光的JW王灝兒亦有轉發伍仲衡的蝦碌片,更加上「笑到喊」emoji,又tag唱作人JNYBeatz,相當搞笑。
立刻加入《晴報》WhatsApp頻道,獲取最新娛樂、健康及著數資訊,仲有送禮活動!
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文:娛樂組