由「小薯茄」產生的男團「FINALLY」越玩越大，去年5月正式宣布成軍開始，四位成員程人富（Chorus）、關浩傑（JPG）、姚澤汶（Fatman）及朱柏熹（M.I.C.）出歌、拍廣告都不特止，更獨當一面搞舞台劇《FINALLY OK》，希望將歡樂帶畀大家，不過四男嫌太Dry，搵埋吳冰（阿冰）做嘉賓，一方面助攻票房，另一方面代表「反Nally」首領去發聲，兩派人馬正式交戰！
FINALLY為今次舞台劇《FINALLY OK》宣傳，四男花盡力氣「Chok」出個未來，不過談到劇的內容時，他們的搞笑體質就顯露無遺。Chorus表示：「今次係純粹真係舞台劇，本身我哋就正式出道有歌喺身，的確有個責任要唱歌嘅，所以會係有歌嘅舞台劇。今次主題靈感來自上年『小薯茄』六周年個騷，FINALLY嗰個環節真係好受歡迎，所以索性今次自己做主角。」JPG指根本不需要理會小薯茄其他成員是否贊成，因為計投票的話，他們四票一定會高票贏出，至於他們一早揚言有阿冰特別演出，Fatman說：「加埋阿冰，導演開心啲就唔會虐待我哋。」JPG笑言人人都開心，相信最不開心的只有阿冰一人。M.I.C.說：「阿冰成日扮唔鍾意我哋，其他偷偷練我哋隻舞，有次阿冰化緊妝，好自然咁唱我哋隻歌，我仲問：『邊個妹豬唱我哋隻歌？』呢隻歌真係影響佢一生！」
「小薯茄」阿冰與柯煒林書展辦簽書會 簽名版大受歡迎首日已火速掃空【下一頁】
他們透露今次舞台劇會串連幾個不同故事，其中一個故事會圍繞FINALLY團隊，而四子將會一人分飾多個角色，編劇陳小東為保持神秘，暫時未有透露太多內容，只知他們要扮演天馬行空的角色，如《西遊記》人物、大便、天線得得B、汽水罐等等，他們最希望可以扮演《流星花園》中的F4。至於男主角誰屬，他們表示沒有刻意分配，但女主角一定是阿冰，JPG起初錯口講阿冰是女配角，但Chorus即糾正他：「講啲咁嘅嘢？賣飛呀嘛，佢係女主角，我哋係男配角！（阿冰係票房保證？）票房穩定囉！其實阿冰係反NALLY首領，同我哋夾埋一齊一定好有化學作用。」
FINALLY指在合乎劇情的情況下會唱歌表演，因為組合一唱歌觀眾就會笑，JPG一向拍子感有自己的一套，他說：「唱歌冇問題，節奏感係唔需要跟音樂，係音樂跟我吖嘛！最緊要有自信！我哋答應大家唔會咪嘴！」JPG轉移指最擔心是Fatman跳舞，怕他重心太穩，跳舞會吃力，Fatman笑言：「其實拍MV我已經踩凹咗幾個地板...」FINALLY稱暫時未開始正式排練，相信大家綵排當中將會有更多火花，問到邊個成員最易冇記性？眾人都指M.I.C.，M.I.C.解釋：「我試過上次唔記得拎道具，因為有場戲我打完鼓要扮收到訊息然後拎起個電話，點知發現褲袋冇拎到個道具電話，於是用人手扮。」Fatman說：「我哋不知幾想笑，呢啲就真係不負責任爆肚，搞到我哋忍笑好辛苦！」
雪櫃冷笑話│鄭秀文亮相小薯茄自嘲身材平平 與眾同樂網民驚訝：天后氣度【下一頁】
Chorus指一直以來他們都主力拍YouTube片，但當去年開騷時聽到現場觀眾的歡呼聲，實在大感過癮，所以他們很期待今次舞台劇跟觀眾的互動。「觀眾好明白佢哋幾易影響到我哋，當我哋有啲深情位，佢哋就會搞鬼發聲騷擾我哋，搞到我哋要忍住笑，今次個場地更加近，應該互動更加正！」
FINALLY表示成團的原因是公司同事取笑他們四人有男團的感覺，抱著一種恥笑的態度，於是他們鐵下心腸就組團，如今令同事們都跌晒眼鏡。Fatman說：「而家FINALLY有廣告有歌，連的士司機都識我哋，我哋終於上到車喇！其實我哋初心冇變，都係想觀眾開心同快樂，唱歌唔係要好好聽，最緊要係大家享受又聽得開心！」Chorus說：「我哋可以唱得好聽好多，不過大家既然鍾意我哋唱得冇咁好，咁被世人誤解都唔緊要啦，為觀眾開心就唱得差少少。」他們最期待可以四子一齊拍電影、電視劇或者旅遊節目，作多方面嘗試，更希望踩上紅館舞台，同外國歌手交流，JPG說：「如果有投資者睇唔開...或者睇得好開，就投資畀我哋拍戲啦，如果有運程書話你今年要破財擋災的話，即管搵我哋FINALLY！」
舞台劇《FINALLY OK》
主演：FINALLY（程人富、關浩傑、姚澤汶、朱柏熹）
特別演出：吳冰
演出日期：12月15-17日，12月19-24日
預售日期：10月23日
公開售票日期：11月10日
票價：$580/$480
場地：香港灣仔藝術中心壽臣劇院
導演：陳小東
編劇：陳小東、黃家富、廖文信、李嘉熒
監製：周怡
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
髮型：Oscar Ngai
化妝: Hulda Tsai
服裝: Rickyy Wong
攝影：陳健珊、何家賢
撰文：楊安莉