童星「招積仔」激罕現身與網民互動 難忘譚詠麟照顧 秦煌特別「招呼」

於80年代拍過不少教育電視和無綫劇集的童星「招積仔」徐國強，有一雙大眼睛、皮膚黝黑、聲沙沙，經常飾演牙擦仔、百厭仔角色，令人留下深刻印象。日前在Facebook群組「90年代回憶新版)」內，有網民貼出招積仔的昔日劇照，問大家是否還記得他？隨即引起網民集體回憶一番，熱烈留言討論，更引來本尊現身，與網民互動，更大爆當年拍攝的辛酸。

同場加映：中年好聲音丨車婉婉亡母情緒鬱結致失聲陷低潮 順逆好壞拼湊成冠冕：無悔無怨

{{hket:ul-video id="9363"}}{{/hket:ul-video}}

{{hket:inline-image name="802732d4-e7de-415d-8ffb-d4f9259266bb.jpg"}}{{/hket:inline-image}}

{{hket:inline-image name="151429.jpg"}}{{/hket:inline-image}}

{{hket:inline-image name="151521.jpg"}}{{/hket:inline-image}}

「招積仔」徐國強現時是名巴士車長，現年50歲，結婚十多年，育有三名女兒，家庭美滿。不少網民留言指招積仔是其兒時回憶，留言指：「佢演親ETV角色一係病一係生蟲」、「仲有一集佢唔食早餐暈低，我細個睇完唔敢唔食早餐」、「生積都係佢」、「係封神榜做小哪吒有露股」、「好記得佢把聲沙沙哋，又寸寸貢」、「演過童年版楊康」、「係香港81做江毅同陳齊頌個仔」、「佢係EYT同余綺霞合作趣劇都好好笑」。

童年版方展博︳黃寶龍繼承爺爺二手書店逾10年 爆《大時代》鄭少秋大俠風範入血【下一頁】

網民熱烈討論期間，「招積仔」徐國強「現身」跟大家打招呼，更謙虛稱自己不算是童星：「以前細個屋企窮兄弟姊妹多，所以去做臨記，後來拍吓拍吓拍到十幾歲，讀書唔成，我都做過好多工。我唔覺我自己係童星，只不過係一份兼職啫，話咁快就幾十年啦。」更逐一留言多謝網民，有網民問到當年拍劇好唔好搵？徐國強回覆：「唔多錢，好似百幾蚊一集，有啲一日計，有啲計集數。」有網民提議他可再考慮客串？徐國強即拒絕：「再客串唔好啦。」他又大讚當年跟譚詠麟拍攝電影《君子好逑》時對方好好人，曾經請他食海南雞飯。他又透露在電影《歌舞昇平》中被秦煌、鄭少萍打，原來係被秦煌真打、打到喊，好悽慘。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組