玲玲友情報｜麥玲玲豪氣為員工畀首期置業 公司旅行出錢唔同行勁識做

堪輿學家麥玲玲與3位J2ers 黃紫恩（Jojo）、陳欣茵（Yan Yan）和蔡景行（行仔）主持的清談節目《玲玲友情報》，今晚（18日）一集主題為「返工唔係咁樣返」，請來「職場女王」張慧敏（Son姐）擔任嘉賓，大爆騎呢公司文化。

同場加映：

中年好聲音丨車婉婉亡母情緒鬱結致失聲陷低潮 順逆好壞拼湊成冠冕：無悔無怨

{{hket:ul-video id="9363"}}{{/hket:ul-video}}

節目開始，Yan Yan提到不少公司的奇怪文化，例如有公司不准員工著紅衣返工，相信跟風水有關。玲玲師傅自言對公司員工服飾沒有特別要求，會避免一身黑衣服，她說︰「我哋啲客做喜慶事多，有一次個客搞過年拜神、開張，佢望見我同事全身黑色，我見佢面色一變。所以成日提同事避免全黑。」玲玲師傅又聽過有公司老闆擺的風水陣，會吸盡員工元氣，她笑說︰「有冇呀？有我都擺啦，呢啲係講笑。」

{{hket:inline-image name="679.png"}}{{/hket:inline-image}}

節目中討論最好的公司福利，有人提議是「M到有假放」、「可以帶寵物返工」或者「從來唔使OT」。講到福利世一非玲玲師傅的風水公司莫屬，最重量級一項，是為員工提供買樓首期。

玲玲師傅認為能解決員工最焦慮的事，對方自然會用心工作，她說︰「早年我有個staff話想買樓，我話咁啦，幫你畀首期，跟住你慢慢供啦。因為成日見佢搬嚟搬去，會牽動做嘢情緒。」玲玲師傅笑言連員工家人都照顧到，為他們介紹醫生，非常貼心。

{{hket:inline-image name="6897.png"}}{{/hket:inline-image}}

除了福利好，玲玲師傅亦是位非常識做的老闆，但凡公司的旅行團等活動，她都只會出錢，從不會「出人」，她笑說︰「日日見仲見唔夠？畀錢搞掂就畀錢啦，係怕同事唔自在，去旅行都要照顧住老細。」

{{hket:inline-image name="87.png"}}{{/hket:inline-image}}

玲玲師傅事後接受訪問，她表示公司目前有4名員工，假如有需要，會為他們提供買樓首期，她說︰「上次位同事睇中層700萬嘅樓，我咪幫佢畀咗一半做首期，其餘慢慢供囉。我啲夥計係畀唔到首期，佢哋完全供得起。」她透露目前有另一位員工想在沙田第一城置業，玲玲師傅豪氣地說︰「第一城仲簡單啦！350萬左右一層，跌到到晒價，我叫佢睇定啲再買，我咪幫佢畀首期囉！」

玲玲友情報丨麥玲玲與Bob有一個「富豪特質」 五招銀包催旺財運大法：善待啲錢【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供