宋宛穎餅印妹身材勁更有明星相 Pre醫生內地做臨床見習仁心仁術

2021年港姐冠軍宋宛穎（Sabrina）出身於選美世家，媽媽文寶雪（Michelle）係1990年澳門小姐亞軍，翌年與袁詠儀同屆參選華姐；堂阿姨及婆婆的堂家姐都參加過選美比賽。而宋宛穎仲有一位雙胞胎妹妹宋宛霖，樣貌同千億新抱徐子淇有幾分相似，而且仲係一位醫科生，可以話係才貌雙全，比家姐更有明星相，潛力十足！

同場加映： 4拍4家族│謝安琪捱凍吹奏家庭溫暖樂曲 Anna向前輩取經學做堅毅獨立歌手

{{hket:ul-video id="9337"}}{{/hket:ul-video}}

宋宛穎不時都會甫出同媽媽以及妹妹嘅合照，妹妹宋宛霖同家姐似樣得嚟都好有自己特色，笑起嚟甜甜哋，有幾分似徐子淇。而宋宛霖嘅身材比家姐更加凹凸有致，擁有完美曲線，呢方面比家姐更有本錢做明星！

{{hket:inline-image name="355423158_132323323181618_7735678919983602872_n.jpg"}}{{/hket:inline-image}}

宋宛霖仲係醫科生，早前佢就上載自己去到中國內地實習嘅自拍照，留言：「應三年級內外全科醫學學士的要求，我在珠海市人民醫院開始了臨床初階見習。這不僅是一次提高專業病史採集和體格檢查技能及技巧的寶貴經歷，也是我對生命意義和作為一名未來醫生所肩負的責任的感悟。我對這次經歷深表感謝！感謝各位醫護、老師及相關人員！非常期待港大深圳醫院臨床高階見習。」佢喺自己嘅proflie就寫下「仁心仁術仁醫」，睇怕佢都係一心向「醫」，未有出道嘅心，大家只可以睇下佢社交平台「止渴」。

宋宛穎其實之前都曾經於社交平台上自爆重返校園，於香港大學醫學院攻讀碩士課程，留言：「今天是9月1日，是颱風天，更重要也是我的開學日。期待了很久的這天終於來了，今天起我就是港大醫學院的碩士，希望有一天我也可以參與一些醫學科研。準備開學的同學們：我們一起加油。颱風天大家要注意安全喔～我先去上網課了！」唔知宋宛穎會唔會將來都同妹妹一齊從醫，唔再出現喺幕前呢？

圖片來源：Instagram