陳卓賢Ian官仔骨骨馬場獻唱 羅淑佩盛裝出席冧豬露「姨母笑」

房屋局常秘、兼身任房屋署署長羅淑佩機場坦蕩追星，唔理世人目光，成為官場佳話，而佢最近一次會見傳媒係喺本月5日講解打擊公屋富戶政策，不過當天記者會冇安排拍照及錄影；誓估唔到講政策冇「留影」，但就因為追星而再次成為焦點。

同場加映： 中年好聲音丨車婉婉亡母情緒鬱結致失聲陷低潮 順逆好壞拼湊成冠冕：無悔無怨

{{hket:ul-video id="9363"}}{{/hket:ul-video}}

昨日係馬會年度盛事「時尚煲呔賽馬日」，邀請咗人氣男團Mirror成員陳卓賢（Ian）為活動開幕表演嘉賓，打上煲呔嘅佢官仔骨骨，吸引大批「Hellosss」（陳卓賢粉絲稱呼）一早到場支持，而佢嘅「知名」Hellosss、房屋局常任秘書長兼房屋署署長羅淑佩亦一早坐定喺觀眾席，認真係忠實「Hellosss」。

{{hket:inline-image name="5.jpeg"}}{{/hket:inline-image}}

羅淑佩就算見到記者舉機都一於少理，全程投入追星，當Ian獻唱時佢都跟足Ian唱歌，冧豬望到實一實，眼都唔眨，好似驚會錯過半秒咁。羅淑佩仲不時露出「姨母笑」，即係阿婆望到乖孫時會展現出嘅慈祥笑容，成件事真係勁有愛呀！

署方回覆查詢時說，指羅淑佩今日並沒有官方活動，趁星期日與朋友到馬場觀賽。其實羅淑佩追星成焦點都唔係第一次。早前9月9日世紀暴雨過後，當時剛晉升房屋署常秘、兼身任房屋署署長的羅淑佩，被發現現身機場，到場觀看陳卓賢錄影電台的唱歌節目，令外界質疑佢作為署長有冇妥善處理災情。當時房屋署表示，羅淑佩一直全力督導房屋署的工作人員進行黑雨後的公共屋邨善後工作，就佢公餘時間活動，署方不作評論。

羅淑佩第一次暴露佢Hellosss身分係喺一個電台節目，當時佢大讚Edan好脾氣忍讓的士司機，不過就表示自己唔係「爵屎」（Edan fans），順便自爆係Hellosss示愛，大讚Ian乖仔又多才多藝。

圖片來源：《晴報》圖片 馬駿傑攝