陳奕迅（Eason）昨晚於澳門正式展開9場的《FEAR AND DREAMS 世界巡迴演唱會-澳門站》序幕，觀眾反應熱烈，十分成功。不過Eason講話期間就發生小插曲，突然被觀眾命令式叫他講國語，令他今日變成熱搜人物，不過大部分觀眾及網友都是支持他講廣東話，認為澳門開演唱會講粵語是平常不過的事，不必為沒禮貌的觀眾不開心。
同場加映：中島美嘉愛與4貓傾訴減壓療癒 多變形象喜能體驗Drag Queen文化
CHIN UP!︳陳奕迅為新碟發佈會簽名逾4小時 感觸落淚：係好多人嘅心血【下一頁】
昨晚演唱會期間，Eason完成大部分演唱環節後，靜下來陪觀眾聊天，原來很開心問觀眾有幾多人來自澳門，即時全場即歡呼，他向台下道謝 : 「好多謝大家。成晚咁靜，你哋都不停嗌咩，下次留番而家先嗌，係靜位就留畀大家... 你嗌到把聲沙晒我都戥你痛。」
由於觀眾太熱情，舞台上Eason多次想講整個演唱會想帶出的意義都被觀眾亂叫打斷，「我知你哋特別熱情，但係我個騷，每隻歌都係一個連貫性舞台劇咁，我唔會俾你哋影響到我，我要好集中去用歌講故仔。其他人都唔好被呢啲聲音、被人影響到，其實就係大家沉醉係一個夢裡面，但突然聽到鬧鐘聲，又或者你阿媽叫你起身大叫咁....」
然後他又被觀眾狂叫打斷，無奈話，「而家係演唱會，唔係傾偈會，我唔可以同你一個人講嘢，而唔理全場其他觀眾....我耳仔好敏感，我同你講緊嘢，其他聲又我聽唔到，我會好煩.....」此時有一位觀眾以命令式口吻大叫:「講國語！」接著又有人叫:「講普通話！」令Eason時發飆，他先以泰文打招呼作回應，然後說，「我想講甚麼語言就講甚麼！我可以講國語，可以很流利！你可以要求，你可以『唔該』，『請』，『麻煩你』 ，大家唔好誤會，就算今日有人咁樣叫我講英文，我都一樣會叫佢shut up ！你聽唔明咪算囉 ！」全場觀眾即拍掌歡呼，「 我唔知你哋鼓咩掌，如果David Bowie喺到唱，你會唔會叫佢講國語？講講廣東話呀？奇怪！我都係塞番耳塞算。」
《Special One》丨AGA陳奕迅破天荒合唱新歌 Eason放下身段MV演怪人有原因【下一頁】
對於今次 Eason不肯被命令講國語，觀眾網民即時討論紛紛，最後更成為熱搜，絕大部分人都支持他講廣東話，更有歌迷留言叫他進內地開唱都全部用廣東話、唱廣東歌，因為這是他們喜愛Eason的原因，澳門網民則留言: 「我哋澳門不嬲講粵語！聽唔明不要來」又有觀眾認為咁冇禮貌，搞到Eason唔開心，指那位沒禮貌的人認真羞家！更有一些博主，長篇大論我國56個民族，是一個多語言，多方言國家，你不能以語言文字，對人道德綁架，陳奕迅祖藉東莞，是一位粵語歌手，在粵廣澳開演唱會講廣東話，實屬正常。
而Eason自己則沒有時間去理會網民的討論，因為他還有八場演出要全神貫注，反而更關注自己的睡床，「我住喺碧咸設計間房，第一晚瞓得麻麻，因為張床係我史上瞓過最硬，我一路瞓一路諗，碧咸咁特別設計，咁硬應該有原因，佢係一個運動員，可能瞓咁硬可以第日腰骨唔會咁攰，但係我瞓得好差… 第二日我拉開張床睇下，下面原來係塊木板...一問之下先知原來係上次李克勤要求瞓一張硬床，酒店問過我，有咩需求，我又講咗句，冇特別，張床唔好咁軟就得.....佢哋以為我同克勤都係有咁需要。結果畀張塊硬板我，哈哈。琴晚換番張正常床褥畀我，我即刻瞓得好好，可以再充滿能量繼續做騷！」
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文：娛樂組