炎明熹歌唱老師｜高晨維自爆因恐懼收埋自己20年 被Gigi啟發：佢係凡間嘅天使

炎明熹（Gigi）的老師高晨維（Cleo）曾是歌手，經驗豐富的她是星格流行音樂學院創辦人，現為多位歌手的歌唱導師。Gigi早前的個人演唱會圓滿結束，高晨維在IG抒發對演唱會的感受，又指Gigi這兩年來改變了她不少，帶給她啟發與覺悟。

同場加映：中島美嘉愛與4貓傾訴減壓療癒 多變形象喜能體驗Drag Queen文化

{{hket:ul-video id="9321"}}{{/hket:ul-video}}

高晨維指演唱會過去數天，但Gigi的聲音仍然在她腦海中揮之不去，「最鍾意嘅歌曲當然有《記得》、《Freaking Nightmare》、《調色盤》、《Dear My Friend》、《我要的愛》等，再次重新改編嘅《守望麥田》，Gi自己嘅歌重新改編及演繹嘅《真話的清高》、《Only For Me》絕對係一個超越，同全晚最後一首令人意猶未盡、極具詩意嘅日本改編歌曲《如海》都係我腦海中重複得最多嘅歌。」

{{hket:inline-image name="387818464_18268228111083494_1895456003852701774_n.jpg"}}{{/hket:inline-image}}

{{hket:inline-image name="76b192b3-92ac-4444-b771-09059897cfbe_600.jpg"}}{{/hket:inline-image}}

她又指作為一個唱歌老師感受百感交集，酸甜苦辣，「由確定日期到選曲、到制定練習時間、方向、做不同嘅選擇、到兩個談心、解決一大堆問題，今次，我真係希望全程係Gi身邊陪住佢，一絲一點都希望唔好放過，再做好啲！要預備一場演唱會，真係唔係大家想像中咁容易，心理生理，每日都在不停調整，控制到、控制唔到嘅因素多到不得了，就算到臨場前一刻，都仲有好多事情成個團隊忙過不停喺度解決，背後有好多人為咗呢件事廢寢忘餐，都係希望呢位女孩18歲嘅第一次演唱會，會為觀眾、團隊、同佢自己留下一個最好嘅回憶。」

為了今次演唱會，高晨維指與團隊出盡全力：「有人問我使唔使Gigi綵排時咁緊張，換一換咪又要噴消毒；大家試想下，我哋畀咗幾多努力先行到呢一點，我唔希望畀任何嘢阻礙到我哋嘅努力！至少係要好好咁發揮一次畀觀眾！而今次Gi女嘅狀態簡直係好到不得了！即使遇到流感高峰期，我哋都安然渡過，保持到一個好好嘅聲質面對觀眾！如果你相信Gi女係一個傳奇，咁一個傳奇往往就係會不斷上演傳奇性嘅故事，第一次個唱遇上8號、9號風球，真係正所謂貴人出門招風雨！令到好多觀眾失望，但同時亦都帶嚟更大嘅期待，因為Gi女下一次只會做得更好！」

{{hket:inline-image name="387819043_18268241353083494_7229928838931721_n.jpg"}}{{/hket:inline-image}}

高晨維感謝粉絲、媒體、YouTuber等，「呢兩年嚟帶畀我一個好不一樣的體驗！第一次感受到正面訊息都值得被報道、被宣揚，默默做好嘅事係能夠被認同、被看見的！簡直癲覆咗我呢二十年來嘅恐懼。」

{{hket:inline-image name="340023276_1294470734749817_4410978758184398690_n.jpg"}}{{/hket:inline-image}}

她指Gigi這兩年來改變了她不少，是她的天使，給予她安全感與勇氣，「不得不承認，呢兩年我喺同呢位18歲嘅女孩呢段歷程上真係得到好多啟發同覺悟。收埋咗自己20年，唔睇娛樂新聞、唔想俾人認得我，貫徹唔應酬，當人哋不斷拼命擴闊生活圈子嘅時候，我不斷努力收窄自己生活圈子，只求能夠生活得自在、自由、自然。喺我嘅生活裏，如果要post甚麼知名人士嘅合照，日日都有得post，但我只會將我日常生活中覺得值得分享嘅就咁樣分享一下，或者將一啲比較特別嘅體驗等大家都一齊感受一下。活到今時今日，喺Gi女呢段歷程上我先真正學到唔會再在意邊個嘅評頭品足，為一啲我唔識嘅人，或者對我生命毫無意義嘅人，再去在乎佢嘅睇法。我鍾意做咩、鍾意講咩、鍾意分享咩，何須管你認唔認同、喜唔喜歡、曲唔曲解，我嘅生活唔屬於任何人，唔附帶任何進入嘅條件，只係非誠勿擾。謝謝Gi女，除咗你喺我身上找到安全感以外，我亦在你身邊找到了勇氣。你話你身邊有好多天使，但其實，我真真切切覺得你肯定係上天派到凡間的天使，任何接觸到你嘅人，都是有福的，因為真正喜歡Gigi的人，都是內心善良的人。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：IG