陳瀅整蠱前輩 佘詩曼被嚇到大笑 王敏奕真實第一反應有型又有愛

一向都好百厭嘅陳瀅之前已經試過整蠱電視城嘅同事並拍下短片，雖然得罪唔少人，但效果非常爆笑！早前佢就再接再勵，去馬來西亞拍劇嘅時間「越級」整鬼一班同劇前輩，而最特別嘅係，佢整蠱好朋友王敏奕無意間試出真愛，睇到人鬼死咁感動呀！

同場加映：你好，我的大夫丨何廣沛一帆風順背後獨自承受壓力 公開戀情收祝福 望平衡事業與生活

{{hket:ul-video id="9311"}}{{/hket:ul-video}}

陳瀅喺片中搵到多個目標，喺佢哋面前扮嚇到，再望向天，扮到好似有啲好恐怖嘅嘢從天而降又或者見到恐怖嘢咁。片中第一個中招就係前輩余安安，安安姐被佢嚇到瞪大雙眼，不過就冇太大反應；之後就係「反應王」梁靖琪，推住篋嘅佢被嚇到成個跳起，仲爭啲跌到，當佢發現被整蠱嘅時候都不禁「仰天長嘯」，非常爆笑。之後就係許紹雄，佢以為陳瀅要跌倒，伸出咗紳士之手，之後半秒就發現有古怪，笑住望向天問「有鬼咩」，完全嚇佢唔到。

{{hket:inline-image name="386417819_1581689332637523_4769067595778734165_n.jpg"}}{{/hket:inline-image}}

最可愛嘅都莫過於佘詩曼，佢見到陳瀅踎低都嚇到大聲問做咩事，之後就大笑到趴喺牆，大嗌：「嚇死我！」之後仲輕輕打咗陳瀅一下。而羅仲謙、羅家良同張鳳妮都係冷靜派，三個都金身護體，驚都唔驚下。而Dada陳靜就唔知頭唔知路跟住陳瀅跑，非常傻氣。

當中，最令人深刻莫過於王敏奕，陳瀅「整蠱遇到愛」，佢用同樣方式跑住去嚇王敏奕仲喺佢面前踎低，王敏奕一啲都唔驚之餘，仲以自己嘅身體護住陳瀅，一邊張望附近有咩危險嘢嚇到陳瀅咁，即時反應冇得呃，真係超級有愛！陳瀅都打咗3個眼濕濕嘅emoji，呢入朋友真愛實在令人動容，唔少網民都大讚王敏奕好sweet又man爆，有型又「男友力」100分；又有唔少人叫陳瀅小心，「得罪」咁多前輩小心冇運行！

劇集《家族榮耀之繼承者》雲集佘詩曼、林峯、羅嘉良、陳靜、陳瀅同王敏奕等演員，眾人7月到馬來西亞拍攝外景至近日終煞科。陳瀅與王敏奕識於微時，二人拍《女人俱樂部》時已成為好姊妹，二人早前都有趁拍攝空檔同圍玩，仲形容佢哋度咗個小蜜月。

圖片來源：Instagram