食用安全︳灣仔酒樓叉燒包現曱甴 食客投訴3宗罪︰經理一啲歉意都冇

外出用膳最怕遇到食物衛生問題！近日有食客在灣仔一間酒樓用膳期間，在叉燒包內發現一隻曱甴。雖然他當場已向職員投訴，但對方態度惡劣，他形容是「噁心又受氣嘅一餐」。

同場加映︰

Sick問識答｜月經失調恐響健康警號？醫生拆解5大成因+高危人士

{{hket:ul-video id="9299"}}{{/hket:ul-video}}

叉燒包現曱甴 經理態度惡劣

事主在Facebook群組「中伏飲食報料區」發文指，周四(12日）中午一行10人到灣仔一間酒樓飲茶，吃叉燒包期間突然發現內藏一隻曱甴，「食到最後嗰啖嘅時候發現個包入面有隻小強（曱甴）」。

事主立即向酒樓經理對質，但對方當時態度惡劣，「佢一啲歉意都冇，仲好唔耐煩咁叫我哋收聲」。最後，黃經理將他們的叉燒包收回，並用「免茶位」當作補償。對此，事主感到非常生氣：

「大佬呀！你食慣曱甴包㗎？貴公司提供曱甴俾你哋做膳食？定話處理食物有曱甴呢啲事情你哋已經習以為常？你哋做食肆咁唔衛生，食物出現問題，點解可以一啲都唔緊張嘅？」

埋單失原有折扣

事主補充，本身入座時可享有大、中、小點7折，然而埋單後發現並無折扣，而收銀員堅持「免茶位」後就無折扣，而且態度十分惡劣。但事主就表示如果以每位茶位$16計算，「免茶位」即是減$160，表示寧願酒樓照收茶位錢，因為「點計都係7折抵」，又反問：「我唔洗你補償我，但點解連享有7折嘅權利都無埋？」

最後，黃經理提出全單只收一位茶錢，然後大、中、小點一共7折了事。帖文一出，不少網民認為事主應即時向食環署投訴，不能助長歪風。

如在食肆發現食物不潔 可以致電食環署熱線

據1823資料所示，如市民在食肆用膳時發現食物不潔、有異物、或不宜食用，可向食環署作出投訴。若市民在進食後感到身體不適，應盡快求醫；如經醫護人員確定為食物中毒個案，診所或醫院會通知食環署及衞生防護中心安排跟進調查。

如市民欲向食環署作出食物投訴，可致電食環署24小時熱線2868 0000 (此熱線由1823接聽)，投訴會交由食環署當值的衞生督察處理。衞生督察會聯絡投訴人，並會同時告知投訴人應如何處理証物。如市民希望在食肆等候衛生督察到現場處理事件，請留意等候時間需視乎衞生督察當時的工作情況而定，詳細情況請向衞生督察查詢。

作出初步調查後，食環署食物監察及管制科會在需要時聯絡投訴人。 如食肆觸犯衛生法例，會遭受檢控，甚至被吊銷牌照。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】