聲夢傳奇｜何晉樂Rock獲JW監製新歌MV「深感榮幸」 棄做保險設五年期限專注做歌手

何晉樂（Rock）在3年前參加無綫歌唱選秀節目《聲夢傳奇》入行，最後取得比賽第五名的成績。在2022年5月，Rock推出首支個人單曲《無證騎士》正式出道，最近終於出第二首Solo《深感榮幸》。事隔一年零四個月再出新歌，Rock直言等待良久，不過等到好作品亦是值得的。

同場加映：你好，我的大夫丨何廣沛一帆風順背後獨自承受壓力 公開戀情收祝福 望平衡事業與生活

{{hket:ul-video id="9311"}}{{/hket:ul-video}}

Rock新歌《深感榮幸》講述一段「有毒」的關係，「講一段關係入面，個男仔越嚟越卑微，有得去愛呢個女仔已經好滿足，一直同對方糾纏，苦苦堅持呢段感情，唔肯放手嘅感覺。」Rock又指《深感榮幸》是用了自己經歷寫成，「自己之前寫咗幾個劇本畀監製同作曲嘅Jacky睇，佢話呢個故事幾好，就為我訂造咗呢首歌。最鍾意就係『難捱在受傷都吸引 喜歡妳仍深感榮幸』，呢句點出晒成首歌中心思想。」

{{hket:inline-image name="54.jpeg"}}{{/hket:inline-image}}

MV中Rock與女主角余子穎交流十足，他大讚對方好戲，「我係識子穎家姐先，知佢個妹有做戲。我係演戲初哥，有佢lead住入戲，用咗唔少自己真感情，做到自己好痛好投入。」不過他又指拍甜蜜場面感覺困難，「會尷尬，不過最後都2、3take搞掂。」

{{hket:inline-image name="6363q.jpeg"}}{{/hket:inline-image}}

原來今次更是Rock第一次自編自導自演MV，「發現其實做導演咩都要識，不過有好多人都好幫我，我嗰陣諗到茶飯不思，成日拎住iPad ，《聲夢》朋友以為我畫緊畫，其實我係諗緊嘢。」而王灝兒JW更為他的MV做監製，Rock直言「深感榮幸」：「《聲夢傳奇》比賽已經識JW老師，知佢好善於表達情感，佢表面嘻嘻哈哈，但佢一做嘢就好認真，嗰陣佢大病都嚟幫手。」

{{hket:inline-image name="646.jpeg"}}{{/hket:inline-image}}

現年27歲的Rock，大學畢業後考獲藥劑師牌，於英國完成實習後就回流返港，除了做歌手之外，亦有於某大型保險及投資公司擔任理財策劃工作。不過Rock現在原來已沒有做理財策劃，專注做歌手。

問到為何不再做理財策劃，Rock坦言是因為時間分配問題，「其實係保險公司嘅決定，我都覺得唔好怠慢客人。而家畀五年時間自己主力做歌手，唔排除會延長呢個期限，因為我真係好鍾意唱歌，希望活在當下，做到最好，想畀大家知我係一個肯拼搏嘅歌手。」他又指自己不會完全放棄藥劑學的專長，「可能之後做part time，唔使咁多連帶責任。」

{{hket:inline-image name="68.jpeg"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

Hair: Hugo Poon @ Private i salon

攝影：馬駿傑
撰文：Crystal