公屋難求｜為上樓忍痛辭職放棄3大待遇前途 港男：為公屋咩都可以唔要

常有人形容「得公屋得天下」，根據最新數字，公屋一般申請者平均輪候時間為5.3年，有人為上樓「放棄一切」。近日一名港男發文，透露自己排公屋逾5年，因入息審查「肥佬」，決定忍痛辭職，放棄薪金年假等3大福利待遇，更直言：「為咗公屋咩都可以唔要！」最終如願以償獲派單位。

同場加映：
管家王｜白色衫染色沾豉油咖啡漬有冇得救？實測4種方法2小時去漬

{{hket:ul-video id="9310"}}{{/hket:ul-video}}

該名網民匿名在facebook群組「公屋討論區」發文，講述自己輪候二人公屋單位5年4個月的心路歷程。他表示自己第一次見主任時入息審查「肥佬」，要待半年後再重審查。為了符合公屋入息標準，他決定向公司辭職，亦叫另一位共同申請的家人立即辭職。

他指自己辭職後3個月沒有工作及收入，其後重返職場，惟已無法回到辭職前的工資水平，不過他並無後悔，甚至形容「為咗公屋咩都可以唔要」，

「三個月後我再做番嘢，但就人工同年資同大假乜都無晒，由頭再嚟過，因為再次入職由起薪點做先唔過入息上限......喺我決定辭職前都好大掙扎，因為年資同人工無晒，但香港人都係為個瓦遮頭，所以長遠睇梗係要屋，工作可以慢慢再做番上去。」

直至第二次見主任，對方終於初步口頭表示事主入息合格，但仍需等收合格信作準。事主對此感相當緊張，「日日睇幾時有黃字，有黃字之後又要睇幾時轉S2，轉咗S2（代表申請已通過詳細資格審查），又成日睇幾時轉S4（代表申請已經到達配房階段）」，至今終於可放下心頭大石，對一切表示感恩。

網民：要捨棄好多嘢

帖文引起網民熱議，不少人對需要在公屋及工作之間取捨表示同感，認為事主作了正確決定，「你夠醒目，懂得選擇同取捨！取公屋之後，再決定下一步怎行」、「好多人都因為門檻太低，要捨棄好多嘢，大家加油」。

2人家庭入息上限約1.9萬元

據房署公屋申請入息及資產限額，2人家庭每月入息限額為19,550元，而資產淨值限額為369,000元。強積金或公積金計劃下的法定供款，可於申報入息時獲得扣除。

{{hket:inline-image name="tjh5j6_600_600.png"}}{{/hket:inline-image}}

另外，因應家庭人數不同，獲分配的單位類型也可能有分別，現時房委會新建公屋單位主要分為4種類型：

{{hket:inline-image name="141_600.jpg"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

 ↓U Lifestyle App睇盡《晴報》新聞資訊及自家節目↓
↓↓同步更新、更快更順↓↓
【免費下載】