周子揚寸爆陳楨怡去富豪飯局 爆舊愛曾到鍾培生屋企「做番自己」

2022年港姐冠軍林鈺洧與2020年港姐亞軍陳楨怡（Celina），早前被指同歌手譚嘉儀一同出席一個富豪私人飯局，又指出三人為工作、發展機會在飯局中落力施展冧功冧富豪，報道一出，兩位前港姐隨即澄清係為做善事。本以為事件告一段落，不過周子揚就開聲寸爆舊愛陳楨怡係「飯局常客」。

同場加映：

中島美嘉愛與4貓傾訴減壓療癒 多變形象喜能體驗Drag Queen文化

{{hket:ul-video id="9321"}}{{/hket:ul-video}}

對於陳楨怡出席富豪飯局，周子揚寸爆表示覺得，純情女仔唔會經常出席富豪飯局，稱：「其實我哋之前拍拖嘅時候，Celina也是經常背住我，偷偷地去咗鍾培生屋企玩。Celina佢而家都係做番自己啫！見到呢啲新聞，我都唔覺得出奇，真的假不了，佢都係做番自己啫。不過，見到佢同我好兄弟影咗／上咗做雜誌封面，我真心真係覺得有啲尷尬。」換言之，飯局善長之一係周子揚好兄弟？周子揚斬釘截鐵代好兄弟講同陳楨怡冇發展機會，「絕對冇可能！我相信兄弟為人，佢唔會對香港小姐有興趣，唔會睇中呢啲女仔，我哋真係好兄弟，相信兄弟。」

{{hket:inline-image name="371994176_163876743408531_8768655368258797860_n.jpg"}}{{/hket:inline-image}}

講番當日飯局，據知係由一位人稱「子辰」的上市公司執行董事曾俊豪所發起，他在股壇上有「點石成金」的外號，有指子辰有意在娛樂圈大展拳腳，有指三位月女星席間表現興奮兼「施展冧功」冧富豪。

陳楨怡澄清出席飯局只係禮貌，表示：「原意是出席慈善活動派月餅，禮貌上安排和一眾慈善團體吃飯都得公司同意出席的，在場很多出席的義工人士、復康力量會長是第一次見面，之前並不認識和沒聯絡。而報章上的人我並不認識，相信也是其中一位善長。」她又罕有動怒，直指報道失實，「一心只想趁未上橫店入劇組前做慈善活動，派月餅給老人家和有需要的人。從來都不會為緋聞回應。今次唔想牽連慈善公益活動和想保護老人家。希望此不實的報道不會為慈善公益活動和幫助傷殘人士老人家的本質受到影響。」

圖片來源：Instagram