明天（8/10）是周吉佩的37歲生日，吉S粉（吉吉fans暱稱）昨晚為他在紅磡一酒店舉行生日派對，筵開20席，場面墟冚。吉吉與太太黃彥欣（Louise）同穿紫色系列示人，sweet到爆！兩人合照時，吉吉顯得有點尷尬，他笑說：「搞到好似結婚咁樣。」記者要求吉吉錫Louise一啖，豈料Louise也笑道：「嘩，唔好嚇親人！」
同場加映：黑妹韋綺姍薪火相傳率學生演出 吉吉啟豪深明癌症之苦義唱助人
《中年好聲音》好友羅啟豪、顏志恒、曹敏寶、吳大強等，還有肥媽、李麗霞（黑妹）、周潤發胞姊周聰玲、韋綺姍等等亦有到場祝賀；吉S粉除了大合唱生日歌外，還特別為吉吉打造了一個結他生日蛋糕，非常有心思。吉吉開心表示今年是最夢幻的一年，問到生日願望？吉吉說：「其實都實現咗，就係有新歌出，呢個係最開心嘅生日禮物，本身首歌喺6月份已經錄好，一直等緊MV同籌備，可能天註定，喺我生日前有個禮物，所以好開心，有個雙重意義。」
周吉佩新歌MV唔搵老婆做女主角？ Louise親自「選妃」對床戲大方開綠燈【下一頁】
提到吉S粉為他慶祝，吉吉感動說：「我30幾年人，都試過咁大型生日party，係fans夾錢，現場擺設、生日蛋糕都係fans整，其實我係有啲唔慣，本身都係平淡咁過生日，唔鍾意大搞，而且我同太太同一日生日，所以每年都係同佢食飯慶祝，（有冇預備生日禮物畀Louise？）未呀，好難買禮物，上次我就折現畀佢，等佢買佢鍾意嘅嘢。（仔女有咩表示？）佢哋仲細，畫張卡畀我已經好窩心。」問他有甚麼說話答謝太太一直以來的支持，吉吉表示：「多謝佢默默喺背後，口裏話唔支持，但喺背後所有嘢都好支持我，我哋嚟緊嘅路，希望我嘅能力可以實現佢嘅夢想，等我，畀機會我，希望我可以做得到。」
周吉佩人氣急升即被冒充身份 騙徒漁翁撒網式花言巧語𠱁粉絲【下一頁】
相隔15年，吉吉日前再度推出新歌《你是我唯一的》，有機會角逐樂壇頒獎禮的獎項，提到MIRROR這幾年氣勢如虹，會否視他們為最大勁敵？吉吉說：「嘩，獎方面真係唔會考慮咁多，而家已經有好好作品出嚟，對我嚟講已經好滿足，講真，喺呢個年紀下，有第二次機會再次踏上舞台，重新做一首自己嘅歌，我諗都唔係咁簡單，仲有咁多人愛錫自己，呢樣都已經夠啦，好老實，唔係客套說話，有獎真係bonus，如果攞到，我覺得要送畀fans，回饋番畀佢哋，因為係佢哋成就咗今日嘅我，所以好多謝佢哋。」問他還有甚麼目標？吉吉謂：「暫時做好手頭上啲歌先，其實我唔敢諗太遠，因為開演唱會，我以前好天真會覺得幾年後要開個人演唱會，或者要去紅館，但係而家諗番轉頭，聽日都唔知過唔過到，所以而家做好每次演出，做好自己本份。」此外，對於肥媽最近被傳牽涉JPEX風波，她未有接受訪問，但見她心情未受影響，與在場嘉賓和吉S粉有說有笑。
採訪：黃曉妍
攝影：馬駿傑
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】