《飯氣攻心》添食舊演員班底全走？ 老戲骨陣容變味網民召喚黃子華

黃子華、張繼聰、陳湛文、王菀之、鄧麗欣及林明禎主演的電影《飯戲攻心》去年上映時大收票房逾7700萬，安樂影片今日在社交平台宣布《飯戲攻心2》明年上映，不過演員名單一出，網上嘅評論就有彈有讚。

同場加映：你好，我的大夫丨游嘉欣唔怕捱為年輕演員爭口氣 吳偉豪孔德賢甩「翻版」獨當一面

{{hket:ul-video id="9250"}}{{/hket:ul-video}}

電影公司以喜帖形式的照片公布續集詳情，圖片上寫着︰「 謹定於公曆2024年為導演陳詠燊 陳氏一家 飯氣攻心2新婚之喜，假座全港戲院盛大舉行，敬備爆谷汽水恭候全港觀眾光臨。」喜帖上見到男家成員包括有「大伯父」胡楓、「三叔」黎彼得、「六叔」謝君豪、「七叔」蔣志光、「表弟」何啟華、「堂細佬」胡子彤；女家成員有「婆婆」羅蘭、「豬媽」米雪；婚宴上的表演嘉賓是魏浚笙， 觀禮嘉賓則有廖子妤、余香凝、楊偲泳、凌文龍及林家熙，新加入嘅演員有唔少都有份拍《毒舌大狀》。

{{hket:inline-image name="3.jpeg"}}{{/hket:inline-image}}

雖然貼文未有寫明是否首集《飯戲》嘅6位主角，未知陳氏一家係咪已經包埋原班人馬，但上一集飾演「二哥」陳禮嘅張繼聰、「大哥」陳鴻女友「阿Meow」的林明禎，分別打下「🤟🏻🤟🏻」及「❤️🤟🏼」嘅Emoji公仔，真係令fans們好焦急。

網民留言有好壞參半，唔少人都認為上一套「好正」，非常期待，留言︰「正呀!! 又有飯開啦!! 仲有一大班長輩~~」、「有趣！大多實力派！期待！」都有人覺得唔應該開下集留言：「何必要添食呢……」、「續集多數會失望！」、「無咗大佬、大嫂、二佬、二嫂、三佬、三嫂，『陳氏一家』唔係包咗佢哋？」、「係咪原班人馬先 ？」、「有冇子華神？（黃子華）」

圖片來源：Facebook