不日成婚2︳陳家樂爆料話隨時最後一次合作 衛詩雅：私底下已經決裂咗

由《不日成婚》原班人馬陳家樂、衛詩雅、朱栢康、談善言、岑珈其、楊偲泳及梁雍婷等演出，陳茂賢執導及編劇的《不日成婚2》，今日（5日）公布將於11月30日正式上映，令眾人大感驚喜。

同場加映：你好，我的大夫丨游嘉欣唔怕捱為年輕演員爭口氣 吳偉豪孔德賢甩「翻版」獨當一面

{{hket:ul-video id="9250"}}{{/hket:ul-video}}

{{hket:inline-image name="8.jpeg"}}{{/hket:inline-image}}

男主角陳家樂得知消息後感興奮，率先呼籲觀眾透過影碟或串流平台再次重溫首集，重拾電影中眾角色的共同回憶，迎接第二集更峰迴路轉的故事。他更預告想瘋狂謝票，「兩年半前《不日成婚》上映嘅時候，我哋都花咗好長時間到全港戲院謝票，今次希望呢個答謝行動再升級，所以我哋同導演由啱啱長假期開始嘅優先場，已經開始到每一場答謝觀眾。呢部電影嘅特色係每一個角色都同觀眾距離好近，參與謝票就好似帶我哋見番一班舊朋友咁，感覺特別親切。」

紮職2丨新戲夥黃宗澤張繼聰重現江湖兄弟情 陳家樂剃頭演霸氣古惑仔：身邊人都驚【下一頁】

女主角衛詩雅笑指這部電影最有趣是近似大家的人生軌跡：「由《不日成婚》到《不日成婚2》，呢段時間相信我哋同觀眾都一齊經歷咗好多變化，好似我哋嘅男主角陳家樂都由一個小男孩變成人夫！」

紮職2丨黃宗澤張繼聰陳家樂聯手抗敵 首日開工水中打架經歷生死【下一頁】

對於網民一直期待陳家樂、衛詩雅這對CP再碰頭，二人搞笑話「可能是可一不可再」，陳家樂爆料話：「我同Michelle（衛詩雅）呢對CP只係留畀《不日成婚》系列，所以大家鍾意阿佳同可怡一定要入場睇，隨時係最後一次㗎！」衛詩雅仲開玩笑講：「我哋私底下其實已經決裂咗，可能冇乜幾何再一齊演情侶，大家今次要珍惜，哈哈！」

（↓點擊放大睇圖片↓）

《不日成婚2》故事講述佳母（金燕玲 飾）回港後令阿佳（陳家樂 飾）和可怡（衛詩雅 飾）的生活多了重重關卡，令二人的感情也不知不覺踏入瓶頸期；灰熊（朱栢康 飾）如今已修心養性 ，但妻子Jenny（談善言 飾）卻漸漸對他失去「性趣」，7年的婚姻突響警號；而阿健（岑珈其 飾）與 Jessica（楊偲泳 飾）依然熱衷床上運動，縱使做足安全措施，也釀成了那0.01%的意外。六人面對著各自的感情瓶頸，一切關鍵在於能否重拾初衷，當初為何相愛？

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組

圖片：大會提供