美麗戰場｜Bob新助手原來係「殺人機器」 笑言對方更似保鑣：入戲太深

Bob（林盛斌）之前在拍TVB台慶劇《美麗戰場》時飾演富豪徐富貴一角，出入都有私人保鑣跟住。劇中這位保鑣名為「殺人機器」，英文名Killing Machine。「殺人機器」對白不多，他常常穿著西裝、戴黑超企在阿Bob後面stand by，真的好像一個殺手一樣。想不到的是，「殺人機器」現實中真的成為了Bob的助手！

同場加映：你好，我的大夫丨游嘉欣唔怕捱為年輕演員爭口氣 吳偉豪孔德賢甩「翻版」獨當一面

{{hket:ul-video id="9250"}}{{/hket:ul-video}}

阿Bob在IG po與「殺人機器」的合照，「我而家個助手，佢叫大舊。冇錯，就係《美麗戰場》入面嗰個殺人機器。嗰陣因為開工成日對住，大家加深咗認識，去到套劇上映之後都有繼續保持聯絡，言談之間得知佢打算轉換吓人生跑道，加上當時助手浩賢準備踏上正骨師師傅之路，所以我就決定邀請佢幫我手做嘢。」

{{hket:inline-image name="5435_600.jpeg"}}{{/hket:inline-image}}

阿Bob笑言雖然大舊是他的助手，但有時反而似保鑣，「可能佢入戲太深，仲沉迷緊殺人機器個角色，佢真係無時無刻都打醒十二分精神咁睇住我，留意住我身邊有冇出現一啲突發同危險嘅嘢。」他又笑指：「嗱嗱嗱，你睇吓佢而家望住我嗰個樣，唔好話你，講真，有時我自己都有啲怯。你睇吓佢嘅眼神，好似我爭佢好多錢咁……」

{{hket:inline-image name="653_600_600.jpg"}}{{/hket:inline-image}}

大舊在圈內人緣不錯，Bob的帖文一出即有不少藝人留言，劉佩玥：「大舊fans在此」、李綺雯：「大舊做野好妥當，又抵得諗」；練美娟更為大舊爭取福利：「嚟你要出多份糧先啱數」。

飾演「殺人機器」的演員真名叫梁傑凱（大舊），入行多年除了是演員之外，還是臨時演員領班，負責管理，教臨時演員企位，畀反應演戲等。外表「兇狠」加上黑實高大的身形，大舊以前常演殺手、劊子手、壞人等，時裝古裝通殺。「殺人機器」曾是TVB「御用劊子手」，「刀下亡魂」超過50個，曾在《盛世仁傑》中斬殺郭羡妮。

美麗戰場｜林盛斌保鑣「殺人機器」唧都唔笑 梁傑凱「兼職」做劊子手 刀下亡魂超過50個【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：IG/TVB影片截圖