陳茵媺（Aimee）繼上次同陳展鵬、吳卓羲合演《叛逃》後，相隔9年終於再有新劇推出，跟老公陳豪合作拍攝陳維冠監製的《羅密歐與祝英台》，將於10月16日起逢周一至五晚於翡翠台播出，同劇還有周嘉洛、游嘉欣、江美儀、蔣祖曼、鄭子誠、吳子冲、鄺潔楹及徐榮等。
同場加映：你好，我的大夫丨何廣沛一帆風順背後獨自承受壓力 公開戀情收祝福 望平衡事業與生活
陳茵媺今次回歸電視台拍劇，獲監製陳維冠度身打造角色，要一人分飾性格截然不同的孿生兄妹，分別是智勇雙重祝英喬及善良單純祝英台，還要應付大量開槍及動作戲，務求復出頭炮之作有更多話題。陳茵媺為了迎接前所未有的新挑戰，早於劇集開拍前一年已秘密練兵，學跆拳道及操體能之餘，又接受為期三個月的專業動作特訓，認真度可謂100分。
羅密歐與祝英台︳陳茵媺隔離後復工 新劇造型曝光 爆陳豪要求家人戴口罩瞓覺【下一頁】
至於角色造型方面，為求做到同時適合男裝及女裝，監製於開劇前一、兩天落實以剷青解決問題，紮起頭髮是男裝祝英喬，相反放下來是女兒身祝英台。陳茵媺表示：「個造型好出，望住鏡入面嘅自己，都覺得真係似男人。」自認完美主義的她希望角色有說服力，除了減肥10磅讓自己更上鏡，又應監製要求刻意壓低聲線及紮胸女扮男裝上陣，「紮咗胸真係唞唔到氣，加埋我好多動作場口，能量消耗得好大。」
陳茵媺錫婚撇甩仔女Staycation 陳豪做人肉GoPro一鏡到尾拍老婆【下一頁】
久未拍劇的陳茵媺透露復工初期壓力爆煲，「都有成10年（實為9年）冇拍劇，好多嘢要真正埋番位，再熟絡番要一段時間，壓力好大。我記得第一日已經拍咗10幾場，之後連續4、5日都係10場、10場咁拍，好似發緊夢咁，啲燈照住自己時，連講對白都好緊張，我未試過咁緊張嘅。第一日最尾二嗰場仲要喊，我心諗『Oh My God』，咁耐冇拍戲，第一日就有喊戲……嗰時我瞓又瞓唔到、食又食唔到，好似失戀咁。」
（↓點擊放大睇圖片↓）
- {{hket:inline-image name="Image08.jpeg"}}{{/hket:inline-image}}
《羅密歐與祝英台》另一賣點當然是她同老公陳豪首度以情侶兼夫妻檔上陣，戲中二人亦要拍攝親熱戲。陳茵媺甜笑表示十分尷尬，「我擔心咗好耐，因為平時錫唔會有咁多人睇住，係有啲緊張。」戲中陳豪角色是外號為「萬事通」的梁山伯，實際上是一名神槍手，他說：「呢個角色其實充滿人情味，佢係一個有義氣嘅醒目江湖仔，槍法好勁，但整體又好似好渣咁，總之就好複雜估你唔到啦。」
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文：娛樂組