偷步被取消資格丨吳豔妮顛覆中國傳統運動員形象 「科技臉」網紅田徑女神太出位

杭州亞運日前田徑女子100米跨欄決賽，內地「跨欄女神」吳豔妮偷步，但申訴後仍可以繼續比賽，不過最後仍被取消成績，最終銀牌被取消。吳豔妮一直都係運動場上焦點，除咗佢嘅靚樣同埋一反傳統咁高調之外，佢嘅出位行為都備受爭議。

同場加映：黑妹韋綺姍薪火相傳率學生演出 吉吉啟豪深明癌症之苦義唱助人

{{hket:ul-video id="9259"}}{{/hket:ul-video}}

日前女子100米跨欄決賽，吳豔妮因偷步被裁判出示紅牌，而第五跑道印度選手亞拉吉都被判偷步犯規，兩人都提出抗議，吳豔妮認為印度選手影響到自己。裁判最後同意畀吳豔妮同印度選手參賽，吳豔妮以第二名衝過終點，但隨後被取消成績，由印度選手拿到銀牌。

{{hket:inline-image name="bd91d3d4ly1hgphxqb0jjj21ax1yhb29.jpg"}}{{/hket:inline-image}}

吳豔妮被譽為「田徑女神」，不過有人讚都有人彈，有人指佢有「科技臉」同「網紅妝容」；再加上佢經常喺公開場合表演張揚，又不時於社交平台分享個人生活，令人感覺佢注意力從運動轉移到個人形象上，引發了公眾對佢係咪唔太注重成績嘅爭議。

中國傳統運動員都係比較理應樸素、低調，以專注於比賽同訓練。就如當年跳水王后郭晶晶同伏明霞等，雖然同樣備受關注，但都冇因為咁走到幕前，非常低調。即使係體操界被譽為「璇美人」嘅劉璇，都係退役之後先加入娛圈，冇影響到佢運動員身份。不過，隨時代變遷，網絡發展迅速而出現「網紅」，素人同名人之間界線唔再分別，大家都可以隨意分享自己日常，吳豔妮都成為其中一員而已。都有人打趣表示值得慶幸嘅係中國田徑界終於出到真美女，唔再似之前嘅女田徑運動員因為太剛陽而被人質疑性別。

圖片來源：微博