炎明熹自爆改名原因與事業無關 否認買豪宅：有人盜用我個名？

「聲夢人氣王」炎明熹（Gigi）即將於10月7日假九展Star Hall舉行首個個人演唱會，昨日於將軍澳電視城排舞室為個唱作綵排，與排舞老師落力排舞，她坦言辛苦但很享受。Gigi接受訪問回應已經成功買豪宅上車傳聞，又大談After Class面臨解散嘅心情。

同場加映： 你好，我的大夫丨游嘉欣唔怕捱為年輕演員爭口氣 吳偉豪孔德賢甩「翻版」獨當一面

{{hket:ul-video id="9250"}}{{/hket:ul-video}}

Gigi她表示跳唱環節約十多分鐘：「啲動作自己從來未試過，希望可以戰勝佢，平時可能見有人做過，做喺自己身上發現原來要好多時間去練習，落好多苦功，所以真係好佩服佢哋。」Gigi透露自已安排咗逢星期四唔使上堂，可專心作全日練習，又話最難並非跳舞：「因為演唱會有唔同環節，好多歌一直都想挑戰，所以每一部分都有少少障礙，好似喺度過關咁，係一次幾好體驗。」

{{hket:inline-image name="7.jpeg"}}{{/hket:inline-image}}

Gigi自己都唔知演唱會會否邀請After Class其他成員姚焯菲、鍾柔美及詹天文上台一起唱團歌，當談到鍾柔美有意出國讀書，After Class或因而面臨解散，佢表示唔會太失望：「呢個係我哋一個好好嘅回憶，喺我哋心中一定有一個分量喺度，無論以後仲係咪我哋4個，定係其他成員嘅After Class，相信大家都一樣會鍾意呢個組合。」

近日有傳Gigi已買樓，佢就話自己都唔知自己有置業：「有人盜用我個名？其實升中學我已經搬咗去將軍澳，都係同姑丈姑媽住。不過我都希望有朝一日可以買到樓，但仲未係時候，希望將來買到一個自己夢想嘅蝸居，咁就已經足夠，我唔視乎佢係好大定好細，我覺得屋企係一入門口就將成日嘅疲勞放鬆晒，係一個令你舒服嘅地方就OK。」

關於近日改真名為「王爖熹」，Gigi就話爸爸喺佢小學時已經覺得「王佳恩」太普遍，仲搵埋風水師改咗幾個名字：「好似王伶芝、王奕希，但自己唔鍾意，不過本身王佳恩都成日畀人寫錯王佳思。」Gigi表示搵師傅改名唔係為了令事業有更好發展：「冇可能改咗個名就如日中天。」

《晴報》圖片