劉雅麗曾經滿面暗瘡唔想照鏡 靠一方法解決皮膚凹凸問題

劉雅麗長期因為皮膚問題，以致面部出現「豆皮」洞。多年來，她想盡辦法補救，又做激光，又試過換皮。日前，劉雅麗在YouTube頻道《我和劉雅麗有個約會》開live，分享一直以來對抗皮膚問題的歷程。

同場加映：你好，我的大夫丨游嘉欣唔怕捱為年輕演員爭口氣 吳偉豪孔德賢甩「翻版」獨當一面

{{hket:ul-video id="9250"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="17.JPG"}}{{/hket:inline-image}}

現年54歲的劉雅麗，90年代入行，她表示上鏡的時候，最擔心就是皮膚問題，「我嘅暗瘡問題，由14、5歲開始，額頭位、唇邊位，到我入演藝學院，大約17、8歲，當時係幾嚴重，成塊面爆發痘痘，爆得好緊要。人哋話18歲最靚，我係18歲最最最最最最最醜樣，成面都係火山窿；我個童年陰影係，一照鏡就瞇起對眼，覺得自己太醜樣，我唔想咁清楚望到自己個樣。」

【有苦自己知】劉雅麗18歲起爆瘡：見到自己想喊 登台曾被灌酒笑笑口打完場【下一頁】

她指在演藝學院時，由於作息時間不足，以致暗瘡問題更加嚴重，身邊人開始介紹不同方法，「有人叫我去美容院做facial、針清、戒口，唔好食煎炸油膩嘢同牛肉；另外有啲人叫我唔好化妝，因為化妝會令到皮膚更加差；有啲人介紹中醫......最得意係有次我搭巴士，有個男人拎住公事包，佢行埋嚟遞咗張醫生紙畀我，佢話『我係醫生，呢個係抗生素，你去藥房買。』佢好好呀！但其實我又好煩，我唔知試邊樣嘢好，於是樣樣我都有去試。」當時，她試過去美容院做facial、戒口、不化妝，甚至以抗生素治療，不過對她而言都無補於事。

劉雅麗只好向中醫求診，「佢會用支電筒射住我塊面，又開五顏六色、大大細細嘅丹，點知真係work喎，食咗一輪，塊面係減少咗好多好多（暗瘡），但係有副作用，會手震。食咗兩、三個月，醫好咗一輪，但後尾又爆過，我再翻睇，點知再食佢啲藥就冇反應，我就停止再睇佢。」

試過各種方法都對抗不了面上的暗瘡，劉雅麗嘗試看西醫，發現因內分泌失調而令荷爾蒙過高，最後醫生開了避孕藥及另外一款藥給她，她說：「呢兩隻藥丸，save my life，我終於搵到方法，最重要係搵到自己生暗瘡嘅原因！」

曉華憶60年代夜總會唱歌狂賺錢 靚聲基因遺傳愛女劉雅麗【下一頁】

{{hket:inline-image name="661a9136gy1hgf3t4eoj7j20xv0q3dr5.jpg"}}{{/hket:inline-image}}

成功控制的暗瘡，但面上的凹凸洞仍要治療，「我記得95年嘅科技未咁先進，入行成日要上電視，咁就現形記，當時要即刻整皮膚，任達華太太琦琦介紹一位新加坡醫生畀我，呢個醫生一個月嚟香港3日應診，聽講當時張國榮哥哥因為脫髮問題都有睇佢。呢個醫生用磨皮機，磨完出嚟，成塊面都好紅，大約3日會退到7、8成，跟住會甩皮，其實係一個換膚療程，新生出嚟嘅皮膚會靚啲，皮膚質地係靚咗；但深層嘅凹凸洞，個窿都幾深，好難去填，所以對凹凸洞嘅問題只係好輕微幫助。琦琦又介紹護膚品畀我，類近換膚，搽完會甩皮，之後皮膚質地係靚咗；之後2006、2007年，我同一間美容院合作，做咗近3年，一個月做一次，佢哋用微針碌，要搽麻醉藥做，痛到標眼水，碌到塊面流血，然後導入維他命C、透明質酸，原理係受咗傷，增新自己嘅細胞，填得番凹凸洞個位，真係work。」最後，劉雅麗叮囑大家每天都要搽防曬。

{{hket:inline-image name="90.jpg"}}{{/hket:inline-image}}

撰文：娛樂組

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkV

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】