「鬼王」潘紹聰主持的《恐怖在線》15周年，舉行舞台劇《死鬼老婆》X《恐怖在線》現場版，將於10月20日在灣仔香港藝術中心壽臣劇院公演。該舞台劇以《恐怖在線》凄美鬼故「有心人」作為藍本，並由恆仔（趙善恆）@ToNick、麥東（麥沛東）、童童（蔡曉童）@小薯茄，聯同梁嘉進、歐芷菲演出。由影海報至綵排時，一眾演員都感到古怪事情發生，只有童童唱反調，自言為人夠正氣，充滿正能量，不相信與靈異事件有關，一切只是巧合。
同場加映：
你好，我的大夫丨游嘉欣唔怕捱為年輕演員爭口氣 吳偉豪孔德賢甩「翻版」獨當一面
麥沛東、恆仔和童童為舞台劇宣傳，三人首次合作，年紀差距不算大，很快就建立默契，籍著《死鬼老婆》擦出火花，以鬼故讓觀眾反思情侶關係。他們接受《晴報》訪問，童童在小薯茄的角色，十分倀雞愛罵人，口頭禪是「收嗲啦」，她笑言這次較為收歛，不會潑辣地對待劇組和演員，麥沛東卻說：「網上片段（小薯茄）睇得多，原來面對面畀童童鬧係幾過癮。編劇將我哋性格寫入角色中，排練嗰陣有畀佢鬧，好開心！未夠喉...」
童童獻出第一次，「終於唔使對住小薯茄班人，唔使成日對住程仁富，我都幾爽！同其他演員合作做舞台劇，帶嚟無限新鮮感，今次有啲緊張又有啲興奮，有一種出去闖蕩嘅感覺。」
兩男一女很快便熟絡了，麥沛東指影海報時，感覺像已認識了一段時間，說：「比想像中快熟絡，喺劇入面我同恆仔做死黨，最初諗，係咪要一段時間磨合先有熟識感？點知又唔使，排戲嗰陣好投契。我會喺網上睇童童拍嘅嘢，大概有了解，見到真人覺得佢好可愛。至於其他演員梁嘉進、歐芷菲，係我以前讀演藝學院嘅同班同學，更加冇問題啦！」
第41屆香港電影金像獎│《正義迴廊》《明日戰記》入圍多項提名 《給十九歲的我》角逐三獎宣布退選【下一頁】
《明日戰記》│古天樂作客小薯茄冇雪櫃冷笑話 網友叫童童挑戰嗌古生收嗲【下一頁】
{{hket:inline-image name="DSC08205.jpg"}}{{/hket:inline-image}}
{{hket:inline-image name="08_600.png"}}{{/hket:inline-image}}
這齣舞台劇的題材是有關於靈界，團隊特別「疑神疑鬼」，期間發生不少古怪事情，童童表示排練的時候，一眾演員輪流患病，很少可以齊人綵排。麥沛東更是每天都頭痛，有一日恆仔又突然病倒。麥沛東就大爆影宣傳海報時，各人輪流跟紙紮公仔合照，童童影相後，手上離奇地有紅色痕，她補充：「係紅紅哋，有少少刺痛啦，可能係敏感啩！」
麥沛東在2019年參與拍攝靈探節目，自言之後對於靈界的「感應度」也變得強了。遇到靈異事，他會感到頭痛，「幸好冇親眼見過佢哋！」恆仔憶起從影以來在片場最恐怖的一宗怪事，「有晚拍到好攰，有張醫院病床道具，我就瞓咗一陣，瞓瞓吓Feel到有人從好遠行埋我身邊，越嚟越近...Feel到佢塊臉貼住我，但嗰一刻我睜唔開對眼...又感覺到畀嘢壓住郁唔到，後尾要大嗌先起到身！我唔敢再瞓呢張床嘞！」
童童自爆在小薯茄公司舊址時，工作至夜深就曾經遇過怪事，「我喺舊公司打字啦，原本係中文語音輸入，但未按掣講嘢，就已經自動出咗句說話，係英文寫Hello i am here...當時都嚇親嘅，我覺得係電腦技術上出錯啦，先出咗呢句嘢，我立即離開公司啦...」她堅持係部電腦錯，程式問題，但麥沛東碌大眼，連同在場所有人都說：「唔係喎！係好大件事...」童童堅持︰「我唔信呢啲嘢，我夠正氣，好難遇到靈異嘅事！」
撰文：王連連
攝影：何家賢
化妝：Chi Chi Li
髮型：Roy Fan
服裝：LAKH（麥沛東）；Coohem、COCKTAIL SELECT SHOP（蔡曉童）
場地：Eaton House Kino（Eaton Hotel）
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】