Nowhere Boys顧定軒組期間限定組合「Stable Boys」 相約下次一齊出騷唱快歌

樂隊Nowhere Boys日前拍攝「谷LIVE」網上音樂節目，一口氣演唱《地球候機室》、《路人歷險記》、《致旅途中的我》、《無處遊人》、《我們的移動城堡》和《種子》等。還邀請顧定軒（Zeno）唱新歌《行動代號0901》 ，以及與他們合唱新歌《票房毒藥》，更即興組成全新樂隊，名為Stable Boys。主音Van笑說：「我哋Nowhere即係流離朗蕩，無處遊人，好嘢！今晚有個好『固定』嘅顧定軒加入，變成Stable Boys，期間限定，好珍貴！」最近Zeno宣傳新歌造型大玩校園風，Nowhere Boys笑言似學生與校工，非常搞笑。

同場加映：

我的天堂城市｜A0姜濤愛食「花生」聽戀愛史取經 李嘉文認藝人避忌多難公然拍拖

{{hket:ul-video id="9208"}}{{/hket:ul-video}}

首次合作，Nowhere Boys與Zeno一見如故，Van表示因為新歌內容與電影有關，所以特別邀請演員兼歌手Zeno合唱，後者一直有留意他們的歌曲和造型，自言新歌打領帶造型與Nowhere Boys出道時造型呼應。問他們想起怎樣的往事？結他手Ken即表示穿西裝夾Band太熱、太辛苦，不敢再試。琴手漁佬透露因為當年連跑幾場表演，來不及清洗，大量汗水吹乾後變成鹽，笑稱「音樂結晶」！Nowhere Boys相約Zeno下次一齊出騷唱快歌，感受Band Show觀眾的熱情，享受飛身到觀眾席「插水」，Van：「我哋嘅Fans已被我訓練到臂力好好，佢哋應該可以好快咁抬你到好遠嘅觀眾席！」Zeno不敢想像，說：「點解我聽到好似係『伏』？」全場大笑。

{{hket:inline-image name="P9121816.jpg"}}{{/hket:inline-image}}

Zeno問Nowhere Boys如何想到《票房毒藥》主題？Van：「最初無諗首歌叫咩名、咩主題，純粹因為我哋一直創作嘅歌都好Rock，好激動！咁多年都無寫過一首抒情慢板歌，所以同公司商量後，覺得係時候寫一首。好榮幸邀請到Wyman填詞，佢問我哋想寫咩？我話好想寫『情』歌，無論愛情、友情、兄弟情、親情，甚至對一個地方嘅情都好，最重要有共鳴。因為唱咗好多好熱血嘅歌，今次想試吓唱更加情感細膩嘅歌詞。睇到份歌詞後，我哋以為寫Nowhere Boys，因為我哋啲作品，必未全世界都鍾意，只要有一個人支持都會感到幸福。」Zeno非常認同，說：「只要仲有一個觀眾，都要唱落去！」Van續說：「後來我哋先至知道，歌詞係寫Wyman本人嘅經歷，我哋好開心佢將咁私人嘅故事，放喺我哋第一次合作嘅歌入面。」

{{hket:inline-image name="P9122002.jpg"}}{{/hket:inline-image}}

Nowhere Boys讚Zeno新歌《行動代號0901》令人感覺新鮮，Van：「今日合作呢首歌，事前執譜，發現每條Track（音軌）都好正！」Zeno介紹新歌班底：「監製係Alex Fung（馮翰銘）和TonYnot，作曲有佢哋兩位同埋朱琳、Karen Yee，鍾說填詞，係一個好任性嘅團隊，作為我嘅第一張Digital EP內嘅第一首歌，係好好嘅開始。（點解用校園主題？）我想大家諗起校園，享受青春嘅感覺。」Van笑說：「我最初打開File見到歌名以為係Demo，因為我哋都習慣用日子做Demo名，後來知道代表開學日。」

拍攝當日，適逢Zeno生日，Nowhere Boys率領全場工作人員大合唱生日歌和送上蛋糕，Zeno驚喜到瞪大眼睛和甜笑，大叫：「嘩！咁Sweet得唔得架！」然後捧著蛋糕許願，他還分享其中一個生日願望給Nowhere Boys，願他們的新歌大受歡迎，果然善良大愛。

{{hket:inline-image name="P9121867.jpg"}}{{/hket:inline-image}}

樂隊Nowhere Boys搣甩「雨神」之名 如願赤柱開戶外騷：等咗呢個場好耐！【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供