約埋班Friend去旅行｜張振朗拒《反黑路人甲》開第二季 朱敏瀚開心角色「陸秋」入屋：滿足感好大

旅遊節目《約埋班Friend去旅行》今晚（27日）播出第六集「反黑團友」篇， 張振朗、賴慰玲和朱敏瀚玩轉澳洲悉尼。首站行程去到著名景點三姊妹石打卡，之後駕駛法拉利超跑體驗「速度與激情」，三人玩「河孖」決定誰有機會駕駛名車，90後的朱仔竟舉手問甚麼是「河孖」，令賴慰玲愕然兼眼凸！張振朗有幸駕駛法拉利，朱仔為座上客，賴慰玲則勁冇癮與工作人員坐旅遊巴。風水輪流轉，輪到賴慰玲駕駛保時捷開篷跑車，張振朗屈就在狹窄的後座，朱仔則凍到打噴嚏，場面搞笑。

同場加映：

我的天堂城市｜A0姜濤愛食「花生」聽戀愛史取經 李嘉文認藝人避忌多難公然拍拖

{{hket:ul-video id="9208"}}{{/hket:ul-video}}

合作拍攝劇集《反黑路人甲》結緣的三人無所不談，就連帶了幾多條底褲出Trip都攞出嚟講！三人在高級酒店High Tea，張振朗突然發表「底褲偉論」，說：「其實呢個Trip我淨係帶咗兩條底褲。」聽到反晒白眼的賴慰玲說：「其實我見到你帶咗兩個篋，嗰啲嘢（底褲）有咁重咩？」他笑笑口解釋：「唔係重呀！因為我對佢哋珍而重之，想安放得佢哋舒服啲，所以一條一個篋...我屋企都係得四條，已經拎咗一半過嚟！」爆笑連場！

晚上，他們入住森林中的木屋酒店，房價約1,300澳元（約6,500港元）一晚，參觀酒店房時睇到嘩嘩聲，朱仔見到超大廁所後笑言：「個廁所大過我間房！」

{{hket:inline-image name="8.jpg"}}{{/hket:inline-image}}

{{hket:inline-image name="8897.jpg"}}{{/hket:inline-image}}

三人到戶外飲酒，一邊睇星星一邊談天，朱仔坦言《反黑路人甲》「陸秋」一角改變了觀眾對他的睇法，說：「嗰陣係好純粹，好Focus喺角色上，嗰幾個月好投入，滿足感好大，感覺自己做得好，好耐未試過覺得自己做得好。」有感而發大嘆：「有時喺度諗，而家仲做唔做得番呢？」張振朗聞言即開啟感性Mode眼濕濕說：「我都好肯定拍唔番，唔好拍第二集（季）喇，好嘅嘢好過咪算囉，可以試吓拍其他嘅。」

約埋班Friend去旅行︳陳瀅重提《美麗戰場》被狠批爆喊 「未試過畀咁多人講我嘅唔好」【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供