JPEX案丨莊思敏高調打卡到內地開工拍戲 公開受騙經過「網紅店」貨不對辦

莊思敏被捲入虛擬資產平台JPEX風波，事件爆出後佢一直身在馬來西亞，日前返港後立即到警署協助調查。雖然未知事件發展如何，不過話咁快莊思敏又再離開香港，仲高調打卡同網民「報告」行蹤。

同場加映：我的天堂城市｜A0姜濤愛食「花生」聽戀愛史取經 李嘉文認藝人避忌多難公然拍拖

{{hket:ul-video id="9208"}}{{/hket:ul-video}}

莊思敏好風騷咁拎住佢嘅愛馬仕包包，喺內地「入境廳」門前打卡，留言：「繼續馬不停蹄。」之後佢又再post出story，表示自己今日要通宵拍攝，會keep住同大家update自己情況，因為好怕自己會瞓着咁話。原來莊思敏今日係去到佛山為林敏驄監製新片《蓋世神功》開工，講完之後佢就登上豪華專車，待遇真係一流。

{{hket:inline-image name="376024738_18390964759014153_3178186611322638489_n.jpg"}}{{/hket:inline-image}}

內地拍戲待遇雖好，但莊思敏日前上載新片自揭遇上「騙案」。原來佢專程去網紅咖啡店打卡，發現同網上介紹嘅裝潢相貨不對辦。莊思敏仲喺店外排足15分鐘隊，不過佢都係邊笑邊呻：「同我喺網上睇嘅（相）差太遠喇，我直頭極度懷疑，哈哈哈哈哈哈。」佢仲走去詢問店內職員，對方就解釋網上介紹圖係幾個月前嘅裝修：「我好想知究竟呢間餐廳嘅老闆係乜嘢裝修概念，將原本好靚好啱打卡嘅地方變成咁簡約嘅地方。」

莊思敏就指成間舖唯一「無呃人」嘅地方係個靚景觀，不過好可惜佢被安排坐喺遠離窗邊嘅位置；莊思敏又企喺一對父子食客旁邊抱怨：「如果佢畀呢個景我坐呢，我會開心好多，我會冇投訴嘅，可惜畀咗對浪漫嘅父子坐咗呢個位。」咁樣「公審」人哋呢對食客都冇畀人話，內地真係好包容下。

圖片來源：Instagram