亞視一姐丨阿儀狂數經理人護「損友」黃榕 重提寶玉安排為江湖人士推蛋糕

「亞視一姐」薛影儀（阿儀）熱愛在社交平台分享生活日常，近年佢同黃榕成為好友，兩人經常周圍去，早前同遊深圳曬水著，生活多姿多彩。不過之前就有指阿儀被損友帶壞，荒廢事業，又喺應該收錢嘅商業活動中做義工。經理人林寶玉事後指公司對阿儀多次勸喻，阿儀表現未如理想，令公司失望；阿儀今日突然喺社交平台大數經理人，為黃榕平反。

同場加映：尹光愛玩乜都試誓要唱到90歲 「廟街歌王」籲政府搞旺夜市自救

{{hket:ul-video id="9217"}}{{/hket:ul-video}}

阿儀Post出一段長文，力撐黃榕，仲狂數寶玉不是，似乎已經積怨好耐：「我都已經講左（咗）好多次，我冇誤交損友，黃榕係冇帶壞我，同埋冇利用我，佢係好好人，佢有時有活動會通知我哋，有免費野（嘢）會搵我，佢對其他人都好好，有時就下我哋，有嘢預埋我哋，我啲朋友都話黃榕係好好人，佢心地善良，我識咗黃榕兩年，我同佢係最好嘅朋友。」佢仲點名其他同行朋友，話自己同佢哋一齊好開心。

{{hket:inline-image name="310594013_768763607875083_7797540462866008575_n.jpg"}}{{/hket:inline-image}}

阿儀又話公司嬲黃榕可能因為舊年電單車案，而當時係自己叫黃榕拍片呀：「嗰係兒童電動車，嗰陣時出事黃榕都有問候過我，要唔要佢幫手，黃榕佢啲脾氣、性格都好好呀！」佢又大數經理人寶玉不是：「其實之前寶玉佢嬲咗我，因為我之前講佢壞話，又講佢是非，我話寶玉佢性格、脾氣、行為唔好，我又爆比（畀）高層知前年佢帶我去同黑社會推蛋糕，所以佢就嬲左（咗）我，（我）又話黃榕好人過寶玉。」

網民都唔多Buy，表示寶玉先係幫佢搵錢嗰個，黃榕只係利用佢，但阿儀就反駁：「黃榕起碼好人過佢（寶玉），阿榕有時有活動通知我,有免費嘢會搵我，而寶玉佢有活動唔會通知我。」、 「佢冇利用我，佢好好人呀！佢有時有活動通知我哋。」阿儀又火爆大鬧寶玉「樣賤」同埋「本性唔好」，唔知佢哋有咩血海深仇。

黃榕自己都有企出嚟澄清，表示：「阿儀也是心地善良的人，希望你未來工作順利，大家努力工作，努力生活。我發誓從來都沒有安排商業活動和產品銷售工作賺取她金錢，以後放假才玩，希望你繼續在工作上發光發亮。」

圖片來源：Instagram