後人類的美麗與哀愁｜Gin Lee親自邀林家謙作曲 首拍全CG MV：靠自己想像力

Gin Lee李幸倪今年第四首派台作品《後人類的美麗與哀愁》今日（25日）上架。繼跳唱的《Dum Dum》後，接着有R&B《單戀這件小事》，然後回到Gin式情歌領域的《企好》，這次《後人類的美麗與哀愁》找來林家謙作曲，周耀輝填詞，唱出人們心靈上戰勝困惑，未來綻放繽紛的曲風。

同場加映：

我的天堂城市｜A0姜濤愛食「花生」聽戀愛史取經 李嘉文認藝人避忌多難公然拍拖

{{hket:ul-video id="9208"}}{{/hket:ul-video}}

其實Gin、家謙早年透過監製撮合，已有過合作機會。Gin希望來一次「2.0」，遂親自向對方邀歌，坦言家謙的歌在她心中有一股不可言喻，能穿透心靈的神奇力量，表示︰「家謙嘅旋律就係有種魔力，能夠去到我心深處，令我唱吓唱吓會不自覺流眼淚。」家謙三首dDemo中，其中一首撼動Gin，有一句歌詞擁有強大力量，「收到呢首demo，我覺得成首歌好有意境、詩意，副歌有一句歌詞『最後最後 還是退後退後』令我有種莫名感動，聽一次已經好吸引我，就好似睇一齣舞台劇最精彩嘅一幕。歌詞方面，我唯一要求耀哥（周耀輝）要保留呢句。」

{{hket:inline-image name="0akmZJYQ.jpeg"}}{{/hket:inline-image}}

MV採用一鏡到底的拍攝方法，看似容易，其實「魔鬼在細節」，需要多方面的配合，Gin︰「譬如我嘅節奏，唱到邊度行到邊度，同攝影機鏡頭嘅距離互動。仲有燈光部嘅同事，唱到去邊都要有唔同燈光效果。我又要咪嘴，要留意歌詞，at the same time導演係一路畀緊cue，好似multi-task，同一時間做三、四樣嘢。」而輕鬆的地方是節省不少時間，「唔使好似平時咁要拍十幾廿個鐘！平時有好多分鏡，又要換衫換妝換景，時間長好多，喺呢個部分嚟講就簡單啲，但一定要『中』，冇就要不停去試，反而浪費時間。」

由於這是Gin首個全CG的MV，現場除了站着的沙地及椅子是實境，其餘都全靠Gin的幻想，她笑說：「故事發展係後期CG，現場我乜都睇唔到，所以我成日問導演去到呢度，CG會發生乜嘢事？勁煩住佢。全靠自己想像力，例如我要幻想後面個星球炸咗喎，咁我應該要點樣演繹呢件事呢？去到後面我要幾澎湃呢？歇斯底里定淡淡然呢？要密切同導演傾。」

Gin Lee《Dum Dum》洗腦歌詞「肯定就是你」成功吸粉 為事業拒嫁拍拖四年男友【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：娛樂組

圖片：大會提供、IG