資深傳媒人汪曼玲爆鄧麗君有潔癖 打麻雀要戴手套 拒分享私事

資深傳媒人汪曼玲（汪姐）接受梁泰來主持的商台節目《星光背後》訪問，汪曼玲任職娛樂版記者多年，跟不少天王巨星都私交甚篤，當中包括張國榮、林青霞、鄧麗君、白雪仙、王祖賢等，現時轉換身分，為「湯臣娛樂」公司擔任總監一職。提到今年張國榮逝世20周年的日子，特別將他的代表作《霸王別姬》重新修復在世界各地公映。

同場加映：枱底隧道丨ERROR割席死腳膠賣錯式感情觀 許願集郵心中女神靠「全民追星」？

{{hket:ul-video id="9184"}}{{/hket:ul-video}}

{{hket:inline-image name="230902.jpg"}}{{/hket:inline-image}}

{{hket:inline-image name="373664673_722927496514431_6028020877429472286_n.jpg"}}{{/hket:inline-image}}

今年是張國榮逝世20周年，亦是其電影代表作《霸王別姬》面世30年，電影出品人徐楓的「湯臣娛樂」特別於Leslie的九月冥壽期間，將這齣經典以4K修復重新於世界各地公映。汪姐當年由籌備《霸王別姬》到完成，先後三次飛往北京探班，亦曾身在康城影展，見證哥哥與一眾演員膺最高榮譽金棕櫚獎。她透露當年原來是陳自強（Willie）推薦李碧華的原著小說給老闆徐楓，才促成這齣電影的經典誕生，「Willie好鍾意原著，但自己公司唔適合拍，推薦畀湯太（徐楓）同李碧華傾咗四晚買版權，亦尊重作者畀李碧華參與劇本同選角。」當年有指導演陳凱歌最初屬意由張國榮及成龍分別飾演程蝶衣與段小樓，汪曼玲說：「程蝶衣一直屬意張國榮，至於霸王一角，陳凱歌本來想自己做，亦都考慮過台灣嘅吳興國；當然有諗過成龍，但當年成龍開片酬2000萬，我們成部戲預算先得3000萬。」

汪姐表示由於當時張國榮片約多，陳凱歌要求他花兩個月時間學京劇，再加上四個月時間拍攝，正在簽約拉鋸之際，尊龍突然向陳凱歌自薦演程蝶衣一角。「尊龍本來150萬美金片酬，佢為表誠意願意減30萬美金，不過後來佢經理人附加好多細節，又要坐咩航空公司，要求飲咩礦泉水，我們都冇所謂，但又話佢養隻狗仔過唔到海關，變咗好多要求。湯太一心想大家齊心拍好一部戲，冇可能花時間服待一個明星！變咗合約又膠著，之後係尊龍自己宣布唔拍。」之後陳凱歌出面，因他覺得張國榮比尊龍更適合演程蝶衣。

林青霞弗爆現身與甄珍為葛蘭賀壽 大美人謙稱88歲壽星女最漂亮【下一頁】

汪曼玲坦言記者與藝人關係脆弱，亦直認自己現實與實際，故與林青霞最深交時，曾鼓勵當時以《東方不敗》爆紅的林青霞狂接戲賺上岸錢，「當時青霞搵我幫佢接工作，《東方不敗》之後好多電影搵她，佢本來想揀好戲拍，的確係我叫佢狂接戲，花無百日紅，嗰個年紀仲可以拍幾多年戲？之後佢都話賺咗幾千萬！」後來林青霞嫁富商邢李源，汪姐了解林青霞所有私事包括情史。

{{hket:inline-image name="342423_600.jpg"}}{{/hket:inline-image}}

不過，另一好友鄧麗君剛剛相反，絕不會透露感情事，「嗰時我們一齊買大哥大電話，互相知道對方個號碼！同鄧麗君熟絡到佢會嚟我屋企打牌，我可以話佢係有潔癖，會帶住粉綠色膠手套打麻雀，但佢亦可以坐喺我屋企地下睇電視。佢從來唔會透露私事，佢根本唔會講，佢係唔易信人。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組