中年好聲音2︳鄧兆榮憶19年祥嫂患癌入急症室 遺憾未盡孝道：一家人冇隔夜仇

《中年好聲音2》周日（24日）播出的第三集，有不少觀眾熟悉的面孔登場，當中包括已故「慈善伶王」新馬師曾的兒子鄧兆榮、55歲前歌手鄭梓浩、2003年港姐季軍戚黛黛及《閃電傳真機》主持人姚安娜等，相信又會勾起大家不少回憶。

同場加映：尹光愛玩乜都試誓要唱到90歲 「廟街歌王」籲政府搞旺夜市自救

{{hket:ul-video id="9217"}}{{/hket:ul-video}}

{{hket:inline-image name="21.jpg"}}{{/hket:inline-image}}

{{hket:inline-image name="19.jpg"}}{{/hket:inline-image}}

現年52歲鄧兆榮是鄧兆尊的弟弟，1997年鄧家爭產事件哄動全城，鄧兆榮等四兄弟姊妹同媽媽祥嫂（洪金梅）搞到對簿公堂；2006年四人突然出席祥嫂的生日宴，向外聲稱一家人已「和好如初」。至2019年7月，祥嫂因肺癌逝世，享年73歲，鄧家恩怨劃上句號。

中年好聲音2︳向展鵬背景猛爸爸係向華強四弟 做保險年薪過千萬 林作曾做下線【下一頁】

鄧兆榮這晚選唱的是《愛的根源》，暫時未知能否晉級，TVB今日預告他在台上真情剖白，他感慨表示：「人到中年有啲遺憾，2013年時我哋幾兄弟姊妹同媽媽有啲誤會冇聯絡，去到 2019年我鼓起勇氣，喺母親節打畀媽媽同佢道歉，媽媽好大方話原諒我，但佢話有啲唔舒服，遲啲再搵我。」但個半月後兆榮收到噩耗，他說：「急症室打電話嚟畀我，話媽媽喺急症室接受治療，當時先知道媽媽患咗癌症第四期，之後一家四兄弟姊妹同媽媽團圓番，鼓勵佢對抗病魔，但好不幸媽媽喺個幾月後就仙逝，我一生人嘅遺憾係未盡孝道。」

中年好聲音2︳60歲林潔淇女兒遭虐死命途坎坷 曾患癌6度做手術搞喊肥媽車婉婉【下一頁】

兆榮在鏡頭前爆喊，他說：「想同父母講，我喺你哋在生時，可能做得冇咁好…但而家我會做個好爸爸、好弟弟…。」他希望以自身經歷，提醒大家不要愛得太遲，「希望各位觀眾，如果同父母、兄弟有咩誤會，只要自己行出誠意第一步，一家人係冇隔夜仇，唔好好似我咁後悔莫及。」兆榮兩個仔仔原來親身到錄影廠為爸爸打氣，場面溫馨。

（↓點擊放大睇圖片↓）

此外，報稱營養品直銷商的鄭梓浩，這一集選唱的是《歲月流情》，獲張佳添大讚音色靚，加上用了共鳴唱歌，覺得已贏了一半。鄭梓浩在台上話：「我喺四大天王最紅時出道，係一個被遺忘咗嘅歌手。」戚黛黛就選唱《別問我是誰》，張佳添認為這是香港小姐才藝表演是可以的，但周國豐就彈冇味道，冇對愛有所渴求的感覺；姚安娜就以造型成功突圍，以吉卜賽女郎打扮搶Fo。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

撰文：娛樂組

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】