男子組合MIRROR成員呂爵安（Edan）、林峯、吳肇軒和朱鑑然，昨晚在中環出席一個品牌活動，蔡卓妍雖然自上月宣布與「百億麻將館太子爺」石恆聰結束六年情後首度現身，穿上一身紅色連身套裝的她，笑容滿面，跟在場傳媒揮手，似乎心情平伏了，同時她事前經公關表示不會接受訪問。
同場加映：
枱底隧道丨ERROR割席死腳膠賣錯式感情觀 許願集郵心中女神靠「全民追星」？
活動上有大批爵屎（Edan fans暱稱）等待偶像的出現，先是林峯先出場，爵屎竟然大合唱他的歌曲《愛不疚》，令到林峯喜出望外，惟有掩住嘴笑，合十道謝。Edan接受訪問時稱有聽林峯的歌，還哼了兩句對方的《Chok》，表示︰「我同林峯前輩有幾面之緣，之前有啲飯局聚會都見到佢，佢好好，好關心我哋後輩。（想合作？）如果可以梗係正啦！當時中學有好多女同學都係佢fans，而佢唱歌真係好有實力。（你唔係校草？）咁...又冇得同明星比嘅！」
Edan回味興奮樣神還原一樣物件 小如豬認當初唔睇好：揼我兩槌【下一頁】
講到MIRROR將會飛澳洲拍攝「團綜」，Edan坦言既期待又緊張，拍綜藝節目要接受挑戰，他笑說：「希望大步...唔好咁講，希望開開心心enjoy啦！（怕唔怕又有屎渠？）呢個又冇乜擔心喎，唔知澳洲啲水壓會唔會差啲呢？不過有Jeremy（李駿傑）喺度，就算唔同房，都可以叫佢幫手，我想同阿Jer（柳應廷）同房，可以一齊打機，最唔想同Anson Lo（盧瀚霆）同房，因為佢會打鼻鼾...唔小心爆咗，唔好意思！」最怕節目組要求他挑戰高空玩意。
林峯3歲囡囡Luna樣貌意外曝光 可愛為食豬似足媽媽張馨月【下一頁】
對於爵屎唱《愛不疚》，林峯連番多謝，笑說：「多謝大家唱我以前一啲歌，我想講遲啲有新歌，而家錄緊，我同華納都諗緊，希望明年下半年籌備一個巡迴演唱會。」
林峯早前在馬來西亞拍攝《家族榮耀之繼承者》，太太張馨月和囡囡「小格格」飛往當地探班，林峯說：「我哋做呢行，周圍飛，小朋友又細，我想爭取多啲時間同佢哋聚埋一齊。」指囡囡性格好外向。問他有沒有興趣跟ViuTV藝人合作？林峯說：「冇所謂，每次合作都係新學習，或者新火花，但要機緣巧合。」
此外，虛擬資產交易平台JPEX近日被證監會點名無牌經營，台灣代言人陳零九指自己在7月底已結束合作，並要求所有宣傳素材盡速下架，其友Edan表示：「我有見到新聞，我唔熟識呢方面嘅知識，希望佢一切安好。」
採訪：黃曉妍
攝影：馬駿傑
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
https://bit.ly/3RnCHkVU Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】