莊思敏被懷疑為JPEX案在逃藝人 預告回港支持《女子監獄》被洗版

虛擬資產交易平台JPEX近日被證監會點名無牌經營，警方拘捕多人，更指有一名目標人身係藝人，現正身在海外，雖然未有開名，但藝人大馬拿督千金莊思敏成為頭號嫌疑人。呢兩日佢仍然有繼續更新社交平台，引到唔少網民入去留言。

同場加映：  萬能綠葉王丨楊證樺大小角色照博盡深受監製喜愛 望與太太沈可欣攜手演到終老

{{hket:ul-video id="9177"}}{{/hket:ul-video}}

由鍾欣潼（阿嬌）、周秀娜及吳千語等主演的電影《女子監獄》本月上映，有份參演的莊思敏今日（20日）於社交網分享多張拍攝花絮照，並透露即將從馬來西亞回港入戲院支持：「大家看了嗎？我過2日回來立即去支持一下。」

{{hket:inline-image name="4.jpeg"}}{{/hket:inline-image}}

片中莊思敏飾演懲教署獄警「Madam Chong」，當中不乏制服女囚犯的場面，莊思敏遭大批網民攻擊，連胞妹莊思明男友楊明都被拖落水：「同你未來妹夫一齊做監𧄌。」、「你返到香港，現實係調番轉」、「好快到你坐監」、「好快親身體驗啦，不過着裙嗰個」等。

莊思敏曾拍片介紹JPEX，事後莊思敏透露投資了6位數，自稱係JPEX苦主。日前林作被捕下午，莊思敏曬出大馬家中睇電視照片，又風騷出席朋友升小學宴會，大曬愛馬仕手袋。網友湧入莊思敏影片下留言，有人貼出大馬及香港移交逃犯協定，揶揄莊思敏「返黎（嚟）自首坐小（少）D（啲）」、另一名網友亦留言指：「魚蛋媽今次返去萬國城做都唔掂啦…都係快啲返嚟自首啦…」莊思敏兩則留言都以笑喊Emoji「🤣」回應，又透露仍身處大馬。

圖片來源：Instagram