何泳芍逼爆做gym誓練蜜桃臀 人夫樂隊主音起哄影相被鏡出賣

無綫小花何泳芍（Honey）擁有一身健康膚色，活躍好動嘅佢不時上山下海，不過估唔到佢竟然受運動創傷。早前佢就搵到一位專業體適能教練為佢訓練減輕症狀，原來呢位星級教練同時為另一位圈中人做訓練，日前二人就同時出現喺健身室，齊齊為健康加油。

同場加映： 萬能綠葉王丨楊證樺大小角色照博盡深受監製喜愛 望與太太沈可欣攜手演到終老

{{hket:ul-video id="9177"}}{{/hket:ul-video}}

Honey日前着住瑜伽褲同超緊身sport bra做gym，盡現佢嘅完美身形曲線，上圍更加係逼爆mon，視覺超級衝擊呀！Honey先係舉啞鈴練二頭肌，做另一組動作時，又留言表示「我要大pat pat」，睇嚟誓要練到蜜桃臀！之後做deadlift時先係最吸睛，Honey每做一下動作時都要烏低身，令身材更加「呼之欲出」。而佢舉緊嘅器械相信對佢嚟講係極限，令到Honey不得不發出「掙扎」嘅叫聲。

{{hket:inline-image name="5.jpeg"}}{{/hket:inline-image}}

片中聽到現場一眾男士歡呼為佢打氣，其中更有一位星級觀眾，就係樂隊Dear jane主音Tim。原本Tim並冇入鏡，不過Tim一時興奮得滯，轉換角度影相時，令到自己唔小心攝咗入鏡中倒影，大纜都扯唔埋嘅佢哋原來係gym buddy。

事後，Honey都有post出大合照，為呢個星級組合留影，而認真做運動嘅Tim就冇打卡喇！Honey早前自爆膝頭外側發炎，腳都伸唔直，後來先知肌肉過勞發炎，需要休息，唔可以做劇烈運動，但因為就嚟開工，惟有頂硬上繼續密集訓練。最終Honey搵到一位體適能教練，分析到佢係因為肌肉量唔夠，以致新陳代謝慢，再微細咁分析佢每個部位嘅問題，最後針對所有問題量身定做一系列嘅動作。

圖片來源：Instagram