姜文杰被病毒攻擊患急性迷路炎 錯過黃金48小時或永久性失聰

姜文杰（Benji）日前透露自己自己大感冒後出現異常後遺，左耳喺幾個鐘內逐漸失去聽力，仲頭暈到郁都郁唔到，嘔到黃膽水都乾埋。Benji急到醫院求醫，不過兩位醫生都同佢講要盡快睇專科；然而初時搵到嘅耳鼻喉科醫生都已經冇位，令人非常焦急。終於Benji喺下午搵到醫生，可以暫時鬆一口氣。

同場加映： 萬能綠葉王丨楊證樺大小角色照博盡深受監製喜愛 望與太太沈可欣攜手演到終老

{{hket:ul-video id="9177"}}{{/hket:ul-video}}

Benji一直同大家分享住佢情況，由於尋日係星期日嘅關係，所以搵唔到耳鼻喉專科醫生睇，而佢嘅情形都頗為緊急：「兩間醫院急症都診斷我患VERTIGO（暈眩）同埋ACUTE LABYRINTHITES（急性迷路炎，又稱內耳炎），話分秒必爭，如果再唔睇專科開STEROIDS 我左耳聽力會永久受損，可能聽唔到高音，兩張醫生紙都寫著 URGENT、ALARMINGSYMPTOMS...希望個天幫幫手。快啲俾我遇到耳鼻喉科好心人救救我。今日會繼續打電話，同時去醫院排隊，求集氣。」

{{hket:inline-image name="WhatsA.jpeg"}}{{/hket:inline-image}}

Benji之後指好多醫生都fully book或距離太遠，而佢頭暈去唔到：「希望可以盡快打類固醇，救救左耳聽力，同埋睇身體接唔接受。黃金48小時……錯過就好大件事，好多人留言話屋企人都試過，好多case嗰啲終歸聾咗救唔返。」佢又指現時正係流感高峰期，提大家都小心啲。

Benji最終喺下午等到睇專科，醫生話係病毒攻擊佢耳膜神經，以及掌管平衡的「耳石移錯位」，情況並不罕見：「但我嘅狀況比平時啲case較為嚴重，（醫生）會為我安排一系列治療，包括類固醇，而我更需要做進一步測試，因為我天旋地轉嘅狀況都幾唔妥，同埋左耳嘅能力目前得返15%功力，有啲高頻pitch更近乎零。看情況可能需要uber代步一段頗長日子……因為頭暈可能會持續幾個月到一兩年不等。至於康復進度如何，就睇我自己個身體了……再一次多謝送我關懷同介紹專科醫生畀我嘅各位朋友們。」

迷路炎係指內耳的炎症，即內耳迷路（骨迷路、膜迷路）受到感染發炎。迷路炎影響內耳迷路嘅耳蝸同前庭系統，常由病毒感染導致，可造成長時間眩暈、噁心、耳鳴甚至聽覺障礙，極少數情況可造成永久性聽覺喪失。部分患者在發病前得過普通感冒（約30%）或流感；都有疱疹病毒感染病例。乘飛機和水肺潛水時，周圍環境壓力突變都可造成該病發作。

圖片來源：Instagram

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】