姜文杰左耳失聰4小時情況急轉壞 重感冒後狂吐不止call白車送院

現年42歲嘅姜文杰（Benji）早前患上重感冒，本應正值壯年傷風感冒都係小事，打個乞嚏都好返咁滯，不過，Benji就好不幸地有嚴重後遺症，而家仲未驚完一路等緊睇專科醫生，唔止佢自己，屋企人都超擔心呀！

同場加映：  萬能綠葉王丨楊證樺大小角色照博盡深受監製喜愛 望與太太沈可欣攜手演到終老

{{hket:ul-video id="9177"}}{{/hket:ul-video}}

Benji喺今日凌晨12點左右突然表示自己聽力出現問題，當時嘅佢仲好輕鬆：「過去兩小時突然冇咗一邊聲，唔知同個感冒有冇關係，希望聽日會好番。」不過隔咗一個鐘，情況開始轉差：「起初係高頻噪音，但一個鐘後嘅而家老婆耳邊同我講嘢正常仲差過潛水時聽力一樣得返10%分辨能力，坦白講，I am so fxxkin Scared.聽日第一時間睇醫生，祝我好運。」 過咗冇耐Benji表示自己已經99.9%冇聽力：「連用風筒吹佢都得少少電子聲，戴耳機完全0%，聽日睇完醫生再update大家。」

{{hket:inline-image name="Wha.jpeg"}}{{/hket:inline-image}}

不過話口未完，Benji都等唔到聽朝先去睇，因為其他嚴重症狀伴隨，令佢不得不call白車送院：「深夜開始嚴重頭暈，成晚趴喺馬桶度個頭，只要稍微郁吓都會嘔最後終於頂唔順。」Benji由凌晨五點等到近中午一點為腦部做電腦掃描。

Benji表示要今晚睇完專科先知咩事，而佢啱啱重感冒完，醫生估計係細菌嚴重攻擊聽覺神經，令佢左耳而家接近0%聽力，而且仲耳水不平衡，瞓都瞓唔到：「躺着會立即好像飲醉咁，spin到即刻去廁所嘔，坐車也一樣，呢10幾個鐘頭我嘔到黃膽水都嘔埋。」Benji又指醫生話佢喺同類型病例入面算好嚴重，叮囑佢唔瞓都要去專科，如果唔係聽力會受損。Benji要自己驚一大餐，幸好有妹妹姜麗文Leslie同老婆陪咗佢成晚，令Benji好感動大叫：「Love u both.」

圖片來源：Instagram