萬能綠葉王丨楊證樺大小角色照博盡深受監製喜愛 望與太太沈可欣攜手演到終老

大家認識的楊證樺是《愛回家之開心速遞》的Dr. Man？還是《超能使者》患有肝病全身泛黃的悲情爸爸？楊證樺在監製或者演員們的口中總是有讚冇彈的敬業好演員，他謙言只是做好本份，由於太熱愛所以全情投入，那怕只是坐著連對白都沒有，他都盡力發揮，因他認為劇集或電影都是團隊工作，缺一不可，從來不會看小自己亦唔會自我澎漲，把事情做好就足以無怨無悔。

{{hket:ul-video id="9177"}}{{/hket:ul-video}}

楊證樺入行27年，由藝員訓練班畢業至今拍攝的劇集超過200套，近年他參與的劇集演出雖然不是主角的戲份，但總是吸引到觀眾的眼球，紛紛向他的演技表達讚賞。今年年初的《萬千星輝頒獎典禮》上獲得主持周奕瑋親自在台下觀眾席表揚，全場競逐獎項的演員都站著拍掌向他致敬。

{{hket:inline-image name="DSC07208.jpg"}}{{/hket:inline-image}}

{{hket:inline-image name="DSC07220.jpg"}}{{/hket:inline-image}}

{{hket:inline-image name="bb986e7f-e608-4603-96b5-288ce06622fa.jpg"}}{{/hket:inline-image}}

星光路上│楊證樺出身演藝世家默默做小角色 爸爸與汪明荃同期藝訓班畢業【下一頁】

楊證樺認為拍劇是團隊工作，心中從沒有分主角、配角或者幾線角色，「每位新人入行都係由低做起，甚至連發哥周潤發呢啲天王巨星都有呢個必經階段，我初初當然雄心壯志覺得自己好勁，但經過藝員訓練班，導師羅冠蘭率先打破學員嘅自尊心，佢話就算演員幾勁都好，一開始都係一張白紙，要經過學習、訓練同實踐先可以將每張白紙疊起嚟，成為寶貴經驗。每個人際遇唔同，有啲人好快彈起做男主角，我就繼續做好自己，唔使同人比較。」

證樺珍惜每次拍劇的機會視如瑰寶，也感激監製們都喜歡用他成為劇集的班底之一，接到角色哪怕是一場戲、一句對白或是坐著不動，他都會盡力演好，曾經舉手向陳耀全監製自薦演《痞子殿下》從不露面的猩猩王，亦為《巾幗梟雄》苦練日文對白，「本身導演話亂講就可以，但我覺得九句啫，咪學咗佢練好佢囉，為角色付出多少少，唔好怕蝕底，出嚟效果係邊冇人知，但起碼對得起自己同個角色。」他坦言有不少年輕演員初入行，總是認為鏡頭焦點不在自己就隨便演，但他認為導演安排得演員到場，就代表能夠為戲劇發揮到作用，「呢個係團隊工作，就算睇唔到你，你都一樣要交流，當然對空氣演係可以，但就冇咗份內心嘅交流。我見到部分訓練班畢業生好勤力，唔使埋位就睇拍攝，從旁偷師，將來一定可以學以致用。」

{{hket:inline-image name="DSC07199.jpg"}}{{/hket:inline-image}}

{{hket:inline-image name="DSC07178.jpg"}}{{/hket:inline-image}}

{{hket:inline-image name="DSC07124.jpg"}}{{/hket:inline-image}}

萬千星輝頒獎典禮2022丨抄曾寶儀金鐘獎橋段向楊證樺致敬 黃耀煌獲前輩鼓勵喊到變豬頭【下一頁】

跟太太沈可欣一樣都是電視台演員，證樺坦言一定會面對工作時間不穩定的情況，為免影響兩個兒子，他們都會盡量抽時間陪伴，有時候到他們學校做家長義工，連老師都驚訝為何父母可以忙裡偷閒出席，「有時我會帶兩個仔嚟電視城睇我哋拍戲，等佢哋知道我哋份工係點樣，我唔會推自己小朋友做童星，反而想培養佢哋真正鍾意嘅興趣。好似大仔咁，朋友送個琴畀我哋，突然間佢識得表演一首歌畀我哋聽，原來佢上YouTube自學，見佢有興趣，我哋就會畀佢去學，最緊要佢哋開心。」

證樺坦言自己視演戲為終生職業，演到無辦法演下去為止，「有一位好好嘅前輩陳鴻烈，佢拍劇期間突然離世，臨終前一晚仲係我開車送佢返屋企。我同太太一樣好享受演戲，我深信佢心態同我一樣，拍到百年歸老都會繼續做，咁都幾得意喎，兩夫妻齊齊演到老，睇嚟都可以成為一個創舉！」

{{hket:inline-image name="DSC07227.jpg"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：楊安莉