李麗珍恨做無綫小花媽咪網民反對 倚榕即甫泳照展示真囡囡基因

李麗珍早前出席醫療中心開幕活動時同幾位無綫小花合照，仲喺社交平台表示想做佢哋媽媽，唔少網民都好大反應；而囡囡都「呷醋」Post相反擊，大曬親生女基因。

同場加映： 馬浚偉跨越喪母後遺情緒病 面對爸爸去年胃癌病逝：感恩無憾

{{hket:ul-video id="9111"}}{{/hket:ul-video}}

李麗珍為咗keep住健康同靚靚都下咗唔少苦功，仲有跟鄰居陳國峰健身以及戒口。李麗珍出席活動時，拍喺幾位美少女身邊亦一啲都唔遜色，李麗珍日前Post出同何泳芍、李芷晴以及鍾晴嘅合照，留言：「唔知幾時開新戲, 可以做你們媽咪。」唔少網民立即勁大迴響，反對佢演媽媽。

{{hket:inline-image name="377324826_301423272579367_8716479598991926157_n.jpg"}}{{/hket:inline-image}}

網民留言大讚佢年輕：「你的樣貌身材就像她們的姐姐，眼中的慈愛流露出母愛的光輝」、「諗住入嚟寫家姐，原來樓上全部都係咁諗。英雄所見略同」、「珍妹你永遠最靚！」、「仲係家姐級，好靚女」、「同她們像姐妹呀，太美了好年輕」、「做姐姐可以，做媽咪未夠老」、「演家姐比較適合，你看起來太年輕了」、「做阿媽好冇說服力...做家姐ok」。

至於李麗珍真正嘅囡囡許倚榕唔知係咪見到媽媽想「認」其他人做女，即刻大曬泳照，相中見到佢完美身形同媽媽年輕時極為相似，基因真係冇得頂！倚榕近年不時都會喺社交平台分享個人生活，儲落唔少followers，人氣高企。不過李麗珍就指囡囡唔喜歡做幕前工作，唔會投身娛樂圈，李麗珍又透露倚榕有拍拖，對未來女婿都ok滿意︰「我冇催婚，雖然抱孫係好事，但未到呢個階段，拍拖先啦！將來都唔好搵我全職湊孫，我同小朋友玩就得。」

圖片來源：Instagram

《晴報》推出全新WhatsApp頻道，為大家提供最新嘅娛樂、健康及家庭生活著數資訊，仲不時會有送禮活動！
撳一個掣立即加入【按此】