譚偉權為偶像張國榮冥壽開紀念音樂會 撥開雲霧順利完成：觀眾睇得好投入

演員譚偉權（Gary）離開TVB後，回復自由身，近日他以個人名義舉辦音樂會，特別選址在中環街市以《Redolence》之名，希望向他的偶像哥哥張國榮敬致。Gary一向是唱得之人，是次除了自己獻聲之外，更邀請到杜以辰（前名：杜小喬）、黃進林及Ashia擔任嘉賓。

同場加映：

馬浚偉跨越喪母後遺情緒病 面對爸爸去年胃癌病逝：感恩無憾

{{hket:ul-video id="9111"}}{{/hket:ul-video}}

譚偉權拍劇角色被定型決意離巢 中年無阻續夢感激太太無限支持【下一頁】

{{hket:inline-image name="377397676_324110860077245_9061470426537765322_n.jpg"}}{{/hket:inline-image}}

{{hket:inline-image name="8ce3ff70-7a68-4c5b-871a-6fd10ab04916.jpg"}}{{/hket:inline-image}}

完騷後，Gary在社交平台發表感言，他表示：「首先我要感謝主，同埋多謝哥哥保佑。昨晚冇落雨，令到個音樂聚會順利地完成。因為下晝嘅時候落過雨，所以令到台上音響燈光設備都要重新再set up過。未開始rehearsal之前，都發生咗小插曲，好彩工作人員好快解決到問題。雖然最後嘅綵排時間唔多，昨晚台前幕後都全力以赴，用心去做咗一個又溫馨又熱鬧嘅音樂聚會。最開心係見到在場咁多位觀眾朋友嘅投入，同埋你哋嘅反應非常之好，令到我哋台上嘅表演者更加落力演出。噚晚到而家我個電話不停畀人炸爆⋯⋯相同video，仲有好多人（識同唔識嘅）send message畀我話琴晚個show好正！非常熱鬧！台燈聲都好正！係一個高水準高質素嘅音樂會！仲問我幾時有part two！我已經盡快逐個回覆大家，不過都係未夠時間一一回覆⋯⋯真係唔好意思⋯⋯衷心多謝以下嘅單位，大家能夠喺一個超短嘅時間，有限嘅日子內（兩個星期）完成一個高質素嘅音樂會！」他逐一點名多謝台前幕後的工作人員，成就一個溫馨又熱鬧的音樂聚會。

新劇《隱門》都有份丨譚偉權約滿TVB第二度離巢發展 感激伯樂王心慰：請繼續支持我【下一頁】

Gary感激在場觀眾朋友們的投入同反應，令他享受其中。他續言：「今次搞呢個音樂聚會確實遇到好多不同嘅狀況，不過正所謂：上帝閂咗你一度門，佢就會開另一扇窗畀你！唔開心嘅嘢好快都會忘記，開心嘅嘢就會永遠留喺心裏面。今次過程中我都認識咗好多新嘅朋友新嘅單位，希望大家喺自己嘅崗位繼續努力加油！將來江湖再見，有機會一定會再遇上⋯⋯祝福大家身體健康，工作順利，生活愉快！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組