羅淑佩嘴角含春望實Ian@MIRROR 房屋署署長黑雨後機場追星被捕獲

上星期六黑色暴雨警告除下之後，MIRROR成員Ian就立即投入工作，於機場拍攝節目，唔少Hellosss（Ian fans專稱）都跟到實，拍咗唔少靚片。而喺Hellosss們嘅影片之中，就多番見到羅淑佩嘅身影，成為熱話。

同場加映： 馬浚偉跨越喪母後遺情緒病 面對爸爸去年胃癌病逝：感恩無憾

{{hket:ul-video id="9111"}}{{/hket:ul-video}}

原運輸署署長羅淑佩上月升職，轉任房屋局常任秘書長兼房屋署署長，羅淑佩除咗公職之外，最為人認知就係曾公開承認自己係一名Hellosss。日前Ian到機場工作時，唔少Hellosss為佢拍片，其中幾條片都見到Ian步出時，羅淑佩跟喺後面。雖然有一段距離，但都見到佢視線冇離開過偶像，仲一直嘴角含春，好似一個含苞待放嘅少女一樣，難掩興奮之情。

{{hket:inline-image name="357402507_10167827692045603_6665315866822401173_n.jpg"}}{{/hket:inline-image}}

對於此事，房屋署之後回覆稱：「房屋局常任秘書長/房屋署署長羅淑佩一直全力督導房屋署的工作人員進行黑雨後的公共屋邨善後工作。就她個人在公餘時間的活動，署方不作評論。」據了解，黑雨期間及之後，羅淑佩主力後勤協調工作，收工後仍有與署方員工保持聯絡，而該活動原於9月2日舉行，再改到9月8日下午，最後受黑雨影響延至9月9日傍晚舉行，羅淑佩出席活動約1小時。

羅淑佩7月仍然係運輸署署長時曾接受電台訪問，主持提到MIRROR另一成員呂爵安（Edan）電召的士嘅不快經歷，羅淑佩突然自爆兼表忠：「嗱，我唔係『爵屎』（意指Edan的支持者），我係『Hellosss』嚟嘅。但我多謝Edan，非常多謝Edan。」講到點解喜歡Ian，羅淑佩就大讚Ian聽媽媽的話「唔揸快車」，又話：「呢個小朋友實在太好啦，除咗識作曲又打過港隊排球，應該支持吓！」